اۋليەاتاعا باردىڭ با، ۇلۋ ەتىن جەدىڭ بە؟..

جامبىل وبلىسى ورتالىق ازيا بويىنشا ۇلۋ ەتىن وسىرەتىن العاش ءوڭىر اتانباق

يتالياندىق «Lumacheria Italiana» كومپانياسى جامبىل وبلىسىندا بيىلعى جىلى ونەركاسىپتىك ماقساتتا ۇلۋلار ءوسىرۋدى قولعا الۋدى جوسپارلاپ وتىر، دەپ حابارلايدى almaty-akshamy.kz

وبلىس اكىمىنىڭ كەڭەسشىسى داۋلەتقوجا مامىروۆپەن وتكەن كەزدەسۋدە كومپانيا وكىلدەرى جامبىل وبلىسى قولايلى كليماتتىق جاعدايلارمەن قامتاماسىز ەتىلگەنىن اتاپ ءوتىپ، بۇل ونەركاسىپتىك باعىتتا ۇلۋلاردى الەمدىك نارىققا قاراعاندا 4 ەسە ارزانعا وسىرۋگە مۇمكىندىك بەرەتىنىن جەتكىزدى.

.gov.kz

اتالعان جوبا جەرگىلىكتى «Meragro» كومپانياسىمەن بىرلەسىپ ىسكە اسىرىلاتىن بولادى. يتالياندىق كومپانيا جوبانى بىرنەشە كەزەڭگە ءبولۋدى ۇسىندى. اتاپ ايتقاندا، وبلىس اۋماعىندا ۇلۋلار ءوسىرۋدى جولعا قويۋ، ينكۋباتور سالۋ، ولار ءۇشىن جەم-شوپ ءوندىرىسىن باستاۋ جانە ۇلۋ ەتىن وڭدەيتىن كاسىپورىن سالۋ كەزەڭدەرىن قاراستىرىپ وتىر.

• جوبا بويىنشا العاشقى كەزەڭدەردە ينۆەستيسيا كولەمى 2 ملن. ەۋرودان اسادى. باستىسى، كومپانيا جەرگىلىكتى شارۋالاردى وقىتۋعا دايىن.


• جالپى، كوسمەتولوگيادا ۇلۋلار شىعاراتىن قابىق پەن كىلەگەي شىرىش قولدانىلادى. ال، ۇلۋ ەتى – بۇل ەرەكشە ءونىم جانە ول الەم ەلدەرىندە ۇلكەن سۇرانىسقا يە.

ايتا كەتۋ كەرەك، «Lumacheria Italiana» كومپانياسى ۇلۋلار وندىرىسىندە الەمدە كوش باستاپ تۇر.