ەرتەڭ الماتىدا ات جارىس باستالادى

وعان ەڭ ۇزدىك 70 سايگۇلىك قاتىسادى.

1 مامىردا الماتى قالاسىنداعى يپپودرومدا ۇلتتىق سپورت قاۋىمداستىعى مەن قازاق جوكەي كلۋبى بيىل جىلدىڭ العاشقى ات شابىسىن وتكىزەدى، دەپ حابارلايدى Almaty-akshamy.kz

سايىس ءارتۇرلى قاشىقتىقتا 9 ءتۇرلى اتشابىس بويىنشا وتەدى. اتاپ ايتقاندا، ولار: «كوكتەم» جۇلدەسى (ق ر تۋعان جىلقىلار ءۇشىن)، «كوكتەم» جۇلدەسى (اشىق)، «اشىق» جۇلدەسى (اشىق)، قازاقستان حالقىنىڭ بىرلىگى كۇنىنە ارنالعان «1 مامىر» جۇلدەسى، گانديكاپ جۇلدەسى (ق ر تۋعان جىلقىلار ءۇشىن)، جاسوسپىرىمدەرگە ارنالعان جۇلدە (ق ر تۋعان جىلقىلارمەن)، گانديكاپ جۇلدەسى (اشىق)، تالعات بيگەلدينوۆ اتىنداعى جۇلدە (ق ر تۋعان جىلقىلار ءۇشىن)، «كىرىس» جۇلدەسى.

اتالعان 9 ءتۇرلى اتشابىس 1000، 1200، 1600، 1800، 2000 مەتر قاشىقتىقتا وتەدى. وعان 2-4 جاس ارالىعىنداعى قازاقستاننىڭ ەڭ ۇزدىك 70 سايگۇلىگى قاتىسادى. كورەرمەندەردىڭ نازارىنا «قىز قۋۋ» جانە ت.ب. بايقاۋلار ۇسىنىلادى.

بيلەتتەردى ticketon.kz سايتىنان ونلاين الۋعا بولادى. باعاسى – 2000 تەڭگە.

مەكەن-جايى: الماتى قالاسى، يپپودروم «قۇلاگەر» شاعىن اۋدانى، وماروۆ كوشەسى، 10 «ا».

باستالۋى: 1 مامىر، 2024 جىل، ساعات: 15:00-دە.