الماتى مەن استانادا كورەرمەندەردىڭ نازارىنا ەرتە جۇكتىلىك ماسەلەسىن كوتەرەتىن دەرەكتى فيلم ۇسىنىلدى.
«جارىق ساۋلەسى» باستاماسى ايماقتىق باعدارلاماسىنىڭ قولداۋىمەن «توچكا» اگەنتتىگى مەن «Nukte» YouTube ارناسى بىرلەسىپ تۇسىرگەن «ەرتە جۇكتىلىك» دەرەكتى ءفيلمىنىڭ جابىق كورسەتىلىمى ءوتتى، دەپ حابارلايدى Almaty-akshamy.kz.
ءفيلمنىڭ اۆتورلارى جاسوسپىرىمدەردىڭ پسيحولوگيالىق جەتىلمەگەندىگى، ولاردىڭ جاقىندارى مەن قوعام قولداۋىنىڭ بولماۋى، جۇكتىلىك پەن انا بولۋ پروبلەماسىنا تاپ بولعان جاسوسپىرىمدەرگە كومەك الۋ ءۇشىن قاجەتتى اقپارات پەن ارنالاردىڭ جەتىسپەۋشىلىگى تاقىرىبىن كوتەرەدى. جاسوسپىرىمدەردىڭ جۇكتىلىگى – وتباسى جانە قوعامعا مەديسينالىق، الەۋمەتتىك جانە ەكونوميكالىق تۇرعىدان اسەر ەتەتىن جاھاندىق قۇبىلىس. سونىمەن قاتار، جاسوسپىرىمدەردىڭ جۇكتىلىگىنىڭ جالپى سانىنىڭ استارىندا جىنىستىق زورلىق-زومبىلىق جاتقانىن ۇمىتپاۋىمىز كەرەك. ددۇ مالىمەتتەرى بويىنشا، 15-19 جاس ارالىعىنداعى جاسوسپىرىمدەردىڭ 24%-ى ومىرىندە كەم دەگەندە ءبىر رەت سەرىكتەسىنەن فيزيكالىق نەمەسە جىنىستىق زورلىق-زومبىلىققا ۇشىراعان.
قازاقستاندا 2021 جىلى ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ دەرەكتەرى بويىنشا 5774 بالانى 15 پەن 18 جاس ارالىعىنداعى ءجاسوسپىرىم قىز دۇنيەگە اكەلگەن.
ايىپتاۋ مەن ستيگمانىڭ اۋىرتپالىعىنان باسقا، ەرتە جۇكتىلىك كوبىنەسە ءجاسوسپىرىم انالاردىڭ فيزيكالىق جانە پسيحولوگيالىق دەنساۋلىعىنا كوپتەگەن كەرى اسەرىن تيگىزەدى. ولاردىڭ 50%-دان استامى ورتا مەكتەپتى اياقتامايدى. ءبىلىم الۋدان جانە سونىڭ سالدارىنان ەڭبەك نارىعىندا جارامسىز بولىپ قالۋ ولاردى تۇراقتى تابىس الۋ مۇمكىندىگىنەن ايىرادى جانە گەندەرلىك زورلىق-زومبىلىق ءقاۋپى جوعارى بولاتىن قارىم-قاتىناسقا اكەلۋى مۇمكىن.
ءسابيدىڭ دۇنيەگە كەلۋى ءۇشىن كامەلەتكە تولماعان اتا-انالاردىڭ بىردەي ازاماتتىق جاۋاپكەرشىلىك مادەنيەتىن دامىتۋ قوعام ءۇشىن ماڭىزدى مىندەت بولىپ تابىلادى. ويتكەنى بۇگىنگى كۇنى ەرتە جۇكتىلىك ءۇشىن جاۋاپكەرشىلىك ۇعىمى ەر ادامدارعا قولدانىلمايدى. ەرتە جۇكتىلىك تۋرالى دەرەكتى ءفيلمدى 2022 جىلدىڭ 20 ساۋىرىندە «NE boldy» YouTube ارناسىنان كورۋگە بولادى.