الماتىدا 9-11 سىنىپ وقۋشىلارى مەن كوللەدج ستۋدەنتتەرى اراسىندا اي سايىنعى كاسىپتىك باعدار وتۋدە.
جىل باسىنان بەرى الەۋمەتتىك كاسىپتىك باعدارلاۋدان 15 مىڭعا جۋىق وقۋشى ءوتتى. كەڭەس بەرۋ، تەستىلەۋ جانە ناتيجەلەردى تالقىلاۋ جاستارعا بولاشاق ماماندىقتى سانالى تۇردە تاڭداۋعا جانە بولاشاقتا جۇمىسقا ويداعىداي ورنالاسۋعا كومەكتەسەدى،-دەپ حابارلايدى Almaty-akshamy.kz.
كاسىبي باعدار وقۋشىنىڭ قىزىعۋشىلىعى مەن قابىلەتىن زەرتتەۋگە، ونى ماماندىق الەمىمەن جانە ولاردى تاڭداۋ ەرەجەلەرىمەن تانىستىرۋعا، سونداي-اق كاسىبي بولاشاقتا موتيۆاسيانى قالىپتاستىرۋعا باعىتتالعان. سونداي-اق، بۇل ەڭبەك نارىعىنىڭ داعدىلارى مەن قاجەتتىلىكتەرىن ەسكەرە وتىرىپ، قىزمەت سالاسىن وزگەرتۋگە نەمەسە بىلىكتىلىكتى ارتتىرۋعا مۇمكىندىك بەرەدى.
"ءقازىر وقۋشىلاردىڭ، ستۋدەنتتەردىڭ جانە جۇمىسسىزداردىڭ باسىم كوپشىلىگى كاسىپتىك باعدارلاۋدى قاجەت ەتەدى. كوبىنەسە جاستار ماماندىق تاڭداۋدا قيىندىقتارعا تاپ بولادى. سوندىقتان وسى قىزمەتتى كورسەتۋ فورمالارى ءارتۇرلى. اي سايىن جۇمىسپەن قامتۋ ورتالىعىنىڭ ماماندارى وقۋ ورىندارىنا بارادى، كاسىبي ءوزىن-وزى انىقتاۋ ءۇشىن تەستىلەۋ، دارىستەر، شەبەرلىك سىنىپتارى، ترەنينگتەر جانە باسقا دا ساباقتار وتكىزەدى. ءبىرىنشى كەزەكتە كاسىپتىك باعدار بەرۋ وقۋشىلار ءۇشىن ماڭىزدى، ويتكەنى ولار جاقىن ارادا ماماندىقتى انىقتاۋى كەرەك"، — دەدى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى نازيرا توعىزبايەۆا.
ەسكە سالساق، بولاشاق ماماندىقتى دۇرىس تاڭداي الماۋ سالدارىنان كوللەدجدە نەمەسە ۋنيۆەرسيتەتتە وقۋ كەزىندە ستۋدەنتتىڭ تاڭداعان ماماندىعىنا كوڭىلى تولمايدى. قوعامداعى جاڭا ۇردىستەر ەل ەكونوميكاسىن دامىتۋ ءۇشىن بالالار مەن جاستاردى كاسىپتىك باعدارلاۋدىڭ ماڭىزدى ەكەنىن كورسەتۋدە.
ايتا كەتەرلىگى، كاسىپتىك باعدار بەرۋمەن قىزمەت كورسەتىلگەن ساتتەن باستاپ قالادا 62 مىڭعا جۋىق وقۋشى مەن ستۋدەنت قامتىلعان. جاڭا كاسىپتەر تۋرالى قوسىمشا اقپاراتتى جاڭا كاسىپتەر مەن قۇزىرەتتەر اتلاسى سايتىنان الۋعا بولادى (enbek.kz).
كاسىپتىك باعدارلاۋ بويىنشا جۇمىس الماتى قالاسىنىڭ ءبىلىم باسقارماسىمەن بىرلەسىپ جۇرگىزىلەدى.
الماتى قالاسىنىڭ جۇمىسپەن
قامتۋ جانە الەۋمەتتىك باعدارلامالار باسقارماسى