بوستاندىق اۋدانىنىڭ تۇرعىندارىمەن كەزدەسۋدە الماتى اكىمى ەربولات دوسايەۆ اۋدانداعى وزەكتى ماسەلەنىڭ ءبىرى «گورودسكوە پرەدپرياتيە ۆودوسنابجەنيا ۆودسناب» ج ش س «ەرمەنساي» شاعىن اۋدانىنا ەلەكترمەن جانە سۋمەن قامتاماسىز ەتۋ قىزمەتتەرىنىڭ ساپاسىز ەكەنىن اتاپ ءوتتى.
«تابيعي مونوپوليالاردى رەتتەۋ دەپارتامەنتى جۇرگىزگەن تەكسەرۋلەردىڭ ناتيجەسىندە وسى كاسىپورىننىڭ قىزمەتىندە بۇزۋشىلىقتاردى انىقتادى. سونىمەن قوسا اۋداننىڭ پوليسيا باسقارماسى وسى جىلدىڭ 20 ماۋسىمىندا كاسىپورىننىڭ تاراپىنان زاڭسىز ارەكەتتەر جاساۋ فاكتىسى بويىنشا قىلمىستىق ءىستى تىركەدى. اكىمدىك جۇرگىزگەن كەلىسسوزدەردەن كەيىن 26 ماۋسىمنان باستاپ 5،2 كم ەلەكترمەن جابدىقتاۋدىڭ اۋە جەلىلەرىن قالانىڭ بالانسىنا بەرۋ جۇمىستارى ءجۇرىپ جاتىر. ونى 2023 جىلدىڭ تامىزىندا اياقتاۋ جوسپارلانعان»، - دەدى ول.