تامىز ايىندا بۇقار جىراۋ كوشەسىنىڭ ت. جاروكوۆ كوشەسىنەن ەسەنتاي وزەنىنە دەيىنگى بولىگىندەگى 1،5 كم ورتاشا قىسىمداعى جەراستى گاز قۇبىرىن رەكونسترۋكسيالاۋ باستالادى. بۇل تۋرالى قالا اكىمى ەربولات دوسايەۆ اۋدان تۇرعىندارىمەن كەزدەسۋدە مالىمدەدى، دەپ حابارلايدى Almaty-akshamy.kz.
«بۇگىنگى تاڭدا جوبالاۋ-سمەتالىق قۇجاتتاما ازىرلەنىپ جاتىر. جۇمىستار 2023 جىلدىڭ قازان ايىندا اياقتالادى. بۇل 16 مىڭ تۇتىنۋشىنى ۇزدىكسىز گازبەن قامتاماسىز ەتەدى»، - دەدى ول.
بۇعان قوسا، سۋمەن قامتۋ قىزمەتتەرىن جەتكىزۋ ساپاسىن ارتتىرۋ ءۇشىن اۋداندا 6،1 كم سۋ قۇبىرى جەلىلەرى قايتا جاڭارتىلۋدا. جۇمىس قازان ايىندا اياقتالادى.