راديواكتيۆتى قالدىقتاردى ءقاۋىپسىز ساقتاپ، ونى قايتا پايدالانۋعا بولاتىنىن جۇڭگو، فرانسيا، امەريكا ءوز تاجىريبەلەرىمەن دالەلدەپ وتىر.
پايدالانىلعان يادرولىق وتىننىڭ ەرەكشە قاسيەتى — ونىڭ بولاشاقتاعى مۇمكىندىكتەرى. شىن مانىندە، ول التىنمەن تەڭ كەلەتىن بايلىق كوزى دەپ ەسەپتەلەدى.
ءبىزدىڭ ەلدە دە مىسال بار: اكتاۋداعى بن-350 رەاكتورىنىڭ پايدالانىلعان وتىنى 20 جىلدان استام ۋاقىت بويى ءقاۋىپسىز ساقتالۋدا جانە ەشقانداي ماسەلە تۋىنداعان جوق.
بولاشاقتا بۇل وتىندى قايتا وڭدەپ، ونى جاڭا ەنەرگيا كوزى رەتىندە قايتا پايدالانۋعا بولادى.
يادرولىق وتىننىڭ تەك 5%-ى عانا جانىپ، ەنەرگيا بەرەدى، قالعان بولىگى ءالى دە پايدالانۋعا جارامدى.
وسى باعىتتا الەمدە راديوحيميالىق قايتا وڭدەۋ تەحنولوگيالارى بەلسەندى دامۋدا، جانە قازاقستان دا بۇل ۇدەرىستىڭ اجىراماس بولىگى بولۋعا ۇمتىلىپ وتىر.
ءبىز اتوم ەنەرگەتيكاسىن قاۋىپسىزدىك ستاندارتتارىنا ساي دامىتا وتىرىپ، بۇل سالانى بولاشاق ۇرپاق ءۇشىن ءتيىمدى بايلىق كوزى رەتىندە قاراستىرۋعا ءتيىسپىز.