قازاقستاندا اەس سالۋ ماسەلەسى بويىنشا جۇرگىزىلگەن ساۋالناما ناتيجەلەرى حالىقتىڭ باسىم بولىگىنىڭ بۇل يدەيانى قولدايتىنىن كورسەتتى.
"دەموكراتيا ينستيتۋتى" عزق قب 2024 جىلدىڭ 13-26 قىركۇيەك ارالىعىندا تەلەفون ارقىلى جۇرگىزگەن ساۋالناماعا 17 وبلىس پەن رەسپۋبليكالىق ماڭىزى بار استانا، الماتى جانە شىمكەنت قالالارىنان 1 200 رەسپوندەنت قاتىستى.
- ساۋالناما قورىتىندىسى بويىنشا رەسپوندەنتتەردىڭ 72،9%-ى قازاقستاندا اتوم ەلەكتر ستانسياسىن سالۋ يدەياسىن قولدايتىنىن ءبىلدىردى. بۇل بۇرىنعى ساۋالنامالارمەن سالىستىرعاندا قولداۋشىلار سانىنىڭ ايتارلىقتاي وسكەنىن كورسەتەدى: ءبىرىنشى ساۋالناماعا قاراعاندا 19،8 پايىزدىق تارماققا، ال ەكىنشىسىمەن سالىستىرعاندا 12،7 پايىزدىق تارماققا جوعارى.
- رەسپوندەنتتەردىڭ 62%-ى جالپىۇلتتىق رەفەرەندۋمعا قاتىسۋعا نيەت ءبىلدىرىپ، ازاماتتىق ۇستانىمدارىن تانىتتى. ال 46،3%-ى رەفەرەندۋمعا ناقتى قاتىسۋعا دايىن ەكەنىن مالىمدەدى. بۇل كورسەتكىش بۇرىنعى ساۋالنامالارمەن سالىستىرعاندا ءوسىم كورسەتىپ، داۋىس بەرۋگە نيەتتى رەسپوندەنتتەردىڭ سانى 59%-دان 62%-عا دەيىن جەتكەنىن دالەلدەيدى.
ساۋالناما ناتيجەلەرى قازاقستاندىقتاردىڭ اەس سالۋ ماسەلەسىنە بەلسەندى قىزىعۋشىلىق تانىتىپ، بۇل يدەياعا قولداۋ بىلدىرەتىنىن كورسەتتى.