قازاقستاندىق سينوپتيكتەر الداعى دەمالىس كۇندەرى – 2023 جىلدىڭ 5-7 تامىزى ارالىعىندا رەسپۋبليكا بويىنشا كۇن رايى قانداي بولاتىنىن ايتتى، دەپ حابارلايدى Almaty-akshamy.kz.
بولجام بويىنشا، رەسپۋبليكانىڭ باسىم بولىگىندە اۋا تەمپەراتۋراسى بىرتىندەپ تومەندەپ،نوسەر جاڭبىر جاۋادى.
«تاياۋ تاۋلىكتەردە قازاقستان اۋماعىندا جاڭبىر جاۋىپ، نايزاعاي ويناپ، كۇن رايى قۇبىلمالى بولادى: رەسپۋبليكانىڭ سولتۇستىگىندە، ورتالىعىندا، شىعىسىندا، وڭتۇستىك-شىعىسىندا ەكپىندى جەلمەن بىرگە قاتتى جاڭبىر، بۇرشاق جاۋۋى، داۋىل تۇرۋى مۇمكىن... قازاقستاننىڭ باسىم بولىگىندە اۋا تەمپەراتۋراسى بىرتىندەپ تومەندەيدى. الايدا 5-6 تامىزدا قازاقستاننىڭ وڭتۇستىك-شىعىسىندا كۇندىز +40+42°س-قا دەيىن قاتتى ىستىق بولادى دەپ بولجاندى»، دەپ جازىلعان «قازگيدرومەت» رمك حابارلاماسىندا.
ال ەلىمىزدىڭ باتىس وبلىستارىندا كۇن رايى نەگىزىنەن جاۋىن-شاشىنسىز بولادى.
سونداي-اق رەسپۋبليكادا جەل كۇشەيەدى دەپ بولجاندى.