اتىراۋدا سۇلتان بەيبارىستىڭ 800 جىلدىعىنا ارنالعان حالىقارالىق ايتىس ءوتىپ جاتىر.
«ەرلىگى ەرەن ەر بابام» اتتى ايتۋلى دوداعا ەلىمىزگە بەلگىلى اقىندار مەن قىرعىزستان جانە موڭعوليادان كەلگەن ءسوز زەرگەرلەرى قاتىسادى، دەپ حابارلايدى اlmaty-akshamy.kz 24.kz-كە سىلتەمە جاساپ.
ايتىسقا جازۋشىلار وداعىنىڭ ءتوراعاسى مەرەكە قۇلكەنوۆ باستاعان ءادىل قازىلار القاسى تورەلىك ەتەدى. 14 اقىننىڭ ىشىنەن وزا شىققاندارى ەرتەڭ فينالدىق كەزەڭدە باقتارىن سىنايدى. اتىراۋ توپىراعىندا تۋىپ، مىسىردا حاندىق قۇرعان بەيبارىس سۇلتاننىڭ 800 جىلدىعىنا ارنالعان اپتالىقتا رەسپۋبليكالىق سۋرەتشىلەر سيمپوزيۋمى كورمەسىنىڭ دە اشىلۋى وتەدى.
ءابىل جولامانوۆ، وبلىستىق مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى:
- حالىقارالىق عىلىمي-پراكتيكالىق كونفەرەنسيا وتكىزىلدى. بۇل كونفەرەنسيا نەگىزىنەن "بەيبارىسقا بايلانىستى عىلىمدا پايدا بولعان جاڭا دەرەكتەر" تاقىرىبى. وزدەرىنىڭ ويلارىندا جۇرگەن بولماسا ىزدەنىپ جۇرگەن ماسەلەلەرىن ويتالقىعا سالۋعا وسى كونفەرەنسياعا ەگيپەت ەلىنەن ءتورت عالىم كەلدى. رەسەي ەلىنەن 2 عالىم جانە كورشىلەچ وزبەكستان ەلىنەن جانە ءوزىمىزدىڭ قازاقستاندىق عالىمدار قاتىسىپ، جاقسى كەلەلى كەڭەس قۇردى.