ق ر پارلامەنتى ءماجىلىسىنىڭ دەپۋتاتى ەرلان سايروۆ ەلدەگى الەۋمەتتىك-ەكونوميكالىق جاعدايعا قاتىستى پىكىر ءبىلدىردى، دەپ حابارلايدى almaty-akshamy.kz inform.kz سىلتەمە جاساپ.
«الدىمەن ەلدەگى جاعداي بويىنشا مەملەكەت باسشىسى شۇعىل مالىمدەمە جاسادى. سوڭعى ۋاقىتتا ەلدە الەۋمەتتىك ماسەلەلەردىڭ بولعانى راس. ەندى پرەزيدەنت ۇكىمەتتىڭ الدىنا ناقتى مىندەت جۇكتەپ وتىر. اتاپ ايتقاندا، گاز، بەنزين مەن ديزەلدىڭ جانە حالىق ءجيى تۇتىناتىن تاۋارلاردىڭ باعاسىن رەتتەۋدى تاپسىردى. سونداي-اق، الەۋمەتتىك قور قۇرۋدى جۇكتەدى. وسى شەشىمدەر ەلدىڭ الەۋمەتتىك جاعدايىن بەلگىلى ءبىر دەڭگەيدە ۇستاپ تۇرۋعا سەپتىگىن تيگىزەدى. باستىسى مەملەكەتتىك تۇراقتىلىق پەن تۇتاستىعىمىزدى جوعالتىپ الماۋ كەرەك. جانە حالىق تالاپ ەتىپ وتىرعان ءتۇيىندى ماسەلەلەر بيلىكپەن ديالوگ ارقىلى، بەيبىت جولمەن شەشىلۋى ءتيىس»، - دەدى ەرلان سايروۆ.
ونىڭ ايتۋىنشا، حالىق پەن بيلىك ءبىر ءوزارا مامىلەگە كەلۋى كەرەك.
«جالپى الەۋمەتتىك تۇرعىدان حالىقتىڭ تالابى ورىندى. دەگەنمەن ول تالاپتار زاڭ اياسىندا جۇزەگە اسقانى ابزال. سول سياقتى ماسەلەنى شەشۋدە بيلىك قانا ەمەس حالىق تا زايىرلى بولا بىلگەنى دۇرىس. باستىسى ارانداتۋشىلىقتان اۋلاق بولايىق. ەلدەگى الەۋمەتتىك ماسەلەلەر تاۋەلسىزدىكتىڭ تۇتاستىعىنا سىزات تۇسىرمەۋى ءتيىس. ويتكەنى، قاسيەتتى تاۋەلسىزدىكتىڭ الدىندا بارلىعىمىز جاۋاپتىمىز»، - دەيدى ول.