قازىرگى قولدانىستاعى زاڭنامادا – 14-29 جاس ارالىعى جاستار ساناتىندا.
جاستاردىڭ جاسى 14 جاستان 35 جاسقا دەيىن بەكىتۋ ۇسىنىلادى، دەپ حابارلايدى Almaty-akshamy.kz
ناتيجەسىندە بۇرىنعىدان ەكى ەسە كوپ – 6،2 ملن ادام (ەل حالقىنىڭ ۇشتەن ءبىر بولىگى) جاستار ساناتىنا جاتادى. ولار جاستاردى قولداۋ باعدارلامالارىنا تارتىلادى.
بۇل تۋرالى مەملەكەتتىك جاستار ساياساتى ماسەلەلەرى بويىنشا ماجىلىستە قارالعان زاڭ جوباسىندا جازىلعان. زاڭ جوباسىن دەپۋتاتتار ءبىرىنشى وقىلىمدا قاراپ، ماقۇلدادى.
زاڭ جوباسىنىڭ ماقساتى مەملەكەتتىك جاستار ساياساتى سالاسىنداعى قوعامدىق قاتىناستاردى كەشەندى رەتتەۋدىڭ ءتيىمدى قۇقىقتىق نەگىزىن قالىپتاستىرۋ بولىپ تابىلادى. زاڭ جوباسىندا حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكسكە، سونداي-اق «مەملەكەتتىك جاستار ساياساتى تۋرالى» زاڭعا وزگەرىستەر مەن تولىقتىرۋلار ەنگىزۋ كوزدەلەدى.
NEET ساناتىنداعى جاستارمەن جۇمىس بويىنشا مەملەكەتتىك ورگانداردىڭ جاۋاپكەرشىلىگى ناقتى بەكىتىلەتىن بولادى:
ەڭبەك جانە حالىقتى الەۋمەتتىك قورعاۋ مينيسترلىگى - جۇمىسسىز جاستارمەن؛
ءبىلىم مينيسترلىگى - بىلىكتىلىكتى ارتتىرۋ جانە قايتا دايارلاۋ بولىگىندە؛
ىشكى ىستەر مينيسترلىگى - ديەۆيانتتى مىنەز-قۇلىقتى جاستارمەن جانە باس بوستاندىعىنان ايىرۋ ورىندارىنان بوساتىلعان؛
اقپارات جانە قوعامدىق دامۋ مينيسترلىگى - جاستار رەسۋرستىق ورتالىقتارى، سالاارالىق ۇيلەستىرۋ جانە اقپاراتتىق سۇيەمەلدەۋ ارقىلى جاستارمەن جۇمىس ىستەيدى.