ق ر پرەزيدەنتى قاسىم-جومارت توقايەۆ AMANAT پارتياسىنىڭ ءتوراعالىعىنا ەرلان قوشانوۆتى ۇسىندى، دەپ حابارلايدى Almaty-akshamy.kz
«مەن پارتيا ءتوراعاسى لاۋازىمىنا ەرلان جاقان ۇلى قوشانوۆتى ۇسىنامىن. ونى بارشاڭىز جاقسى بىلەسىزدەر. ەرلان جاقان ۇلىنىڭ ۇيىمداستىرۋ قابىلەتى جوعارى، تاجىريبەلى ءارى بىلىكتى ازامات»،- دەدى قاسىم-جومارت توقايەۆ پارتيانىڭ ءححىىى سەزىندە.
AMANAT پارتياسىنىڭ اتقارۋشى حاتشىسى اسحات ورالوۆ سەز دەلەگاتتارىنا ق ر پرەزيدەنت قاسىم-جومارت توقايەۆتىڭ ەرلان قوشانوۆتى پارتيا ءتوراعالىعىنا سايلاۋ تۋرالى ۇسىنىسىنا داۋىس بەرۋدى ۇسىندى. داۋىس بەرگەندەر ءماجىلىس سپيكەرىنىڭ كانديداتۋراسىن ءبىراۋىزدان قولدادى.
«قۇرمەتتى ەرلان جاقان ۇلى، ءسىزدى بارلىق دەلەگاتتار اتىنان AMANAT پارتياسىنىڭ ءتوراعاسى بولىپ سايلانۋىڭىزبەن قۇتتىقتايمىز»، - دەدى اسحات ورالوۆ.
ايتا كەتەيىك، پرەزيدەنت قاسىم-جومارت توقايەۆتىڭ توراعالىعىمەن AMANAT پارتياسىنىڭ سەزى ءوتىپ جاتىر.
سەزد بارىسىندا ADAL ساياسي پارتياسىنىڭ AMANAT پارتياسىنا قوسىلۋى تۋرالى ماسەلە قارالادى دەپ جوسپارلانعان.