ADAL مەن AMANAT ساياسي پارتيالارى قوسىلدى
ADAL پارتياسىنىڭ باستاماسىن قولداپ، AMANAT-پەن بىرىككەن ءجون دەپ سانايمىن. بۇل تۋرالى AMANAT پارتياسىنىڭ سەزىندە پرەزيدەنت قاسىم-جومارت توقايەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ
«جاڭا قازاقستاندى قۇرامىز دەسەك، ەلگە جاناشىر، قوعامدىق ساياسي كۇشتەردىڭ ءبارى جۇمىلۋى كەرەك. بۇل رەتتە پارتيالاردىڭ ءوزارا ءتىل تابىسىپ، ساياسي جۇيەنى دامىتۋى اسا ماڭىزدى. سوندىقتان ADAL پارتياسىنىڭ باستاماسىن قولداپ، ونىمەن بىرىككەن ءجون دەپ سانايمىن. ADAL - ءوز جاقتاستارى بار، قالىپتاسقان پارتيا. ساياسي باسەكە ارتىپ كەلە جاتقان قازىرگى كەزەڭدە مۇنىڭ ايرىقشا ءمانى زور. وسى ماڭىزدى قادام AMANAT پارتياسىن جاڭعىرتىپ، كۇشەيتە تۇسۋگە سەپتىگىن تيگىزەدى دەپ ويلايمىن»، - دەدى مەملەكەت باسشىسى.
سەزد بارىسىندا دەلەگاتتار ADAL پارتياسىنىڭ AMANAT-قا قوسىلۋىن داۋىسقا قويىپ، قولدادى. بۇدان بۇرىن حابارلانعانداي، بۇگىننەن باستاپ AMANAT پارتياسىنىڭ ءتوراعاسى رەتىندە پرەزيدەنتتىڭ وكىلەتتىگى توقتادى. پرەزيدەنت AMANAT پارتياسىنىڭ ءتوراعالىعىنا ەرلان قوشانوۆتى ۇسىندى. بيىل ناۋرىز ايىندا ADAL پارتياسىنىڭ ءتوراعاسى سەرىك سۇلتانعالي پارتيانىڭ AMANAT-قا قوسىلۋ شەشىمىن ءتۇسىندىردى.