اسا ءىرى كولەمدە اقشا جىمقىرعان «Kcell Solutions» جاۋاپكەرشىلىگى – شەكتەۋلى سەرىكتەستىگىنىڭ بۇرىنعى قارجى ديرەكتورى 7 جىل مەرزىمگە باس بوستاندىعىنان ايىرىلدى.
بۇل تۋرالى قارجىلىق مونيتورينگ اگەنتتىگىنە سىلتەمە جاساپ حابارلادى. قىلمىسكەر بۇدان بولەك 2018 جىلدىڭ اقپانىنان 2021 جىلدىڭ ساۋىرىنە دەيىنگى ارالىقتا 5 كومپانيانىڭ ەسەپ شوتىنا اقشا اۋدارۋ ارقىلى قاراجات ۇرلاعان، دەپ حابارلايدى Almaty-akshamy.kz 24.kz-كە سىلتەمە جاساپ.
جەدەل ىزدەستىرۋ شارالارى بارىسىندا كومپانيانىڭ بۇرىنعى قارجى ديرەكتورى اقشانى الماتىداعى بۋكمەكەرلىك كەڭسەلەردە ءباس تىگىپ جۇمساعانى انىقتالدى.
«سوت ۇكىمىمەن ازامات شوكەي قازاقستان رەسپۋبليكاسى قىلمىستىق كودەكسىنىڭ 189 بابى 4ء-بولىمى 2-تارماعى بويىنشا كىنالى دەپ تانىلعان. 7 جىل مەرزىمگە باس بوستاندىعىنان ايىرۋ جازاسى تاعايىندالدى. سونداي-اق ول 10 جىل مەرزىمگە قارجىلىق جاۋاپكەرشىلىكپەن بايلانىستى قىزمەتتەردى اتقارۋ قۇقىعىنان ايرىلدى»، - دەيدى ق ر قارجىلىق مونيتورينگ اگەنتتىگى باسپا ءسوز قىزمەتىنىڭ وكىلى الىبەك ءابدىلوۆ.