ولار جەكەمەنشىك ءۇي مەن جاپسارلاس ورنالاسقان سارايدان شىققان ءورتتى جويدى.
13 قىركۇيەك كۇنى 10 ساعات 7 مينۋتتا ءورت سوندىرۋشىلەر مەدەۋ اۋدانىندا سابىر ءشارىپوۆ كوشەسى، 34-ۇيدەگى ءورت تۋرالى حابارلاماعا جونەلتىلدى. وقيعا ورنىنا جىلدام جەتكەن ماماندار ءورتتى 15 مينۋتتا ءسوندىردى، دەپ حابارلايدى Almaty-akshamy.kz.
ءورت سوندىرۋشىلەر وقيعا ورنىندا 5 مينۋتتا جەتكەن. 40 شارشى مەتردە جەكەمەنشىك ءۇي مەن جاپسارلاس ورنالاسقان سارايدىڭ جانىپ جاتقانىن انىقتاعان.
"ءورت وقپاندارى ىسكە قوسىلىپ، اۆتوسيستەرنا گيدرانتقا 60 مەتر قاشىقتىققا ورناتىلدى، ۇزدىكسىز سۋ بەرۋ قامتاماسىز ەتىلگەن. قابىلدانعان جەدەل شارالاردىڭ ارقاسىندا ءورت 10 ساعات 16 مينۋتتا اۋىزدىقتالىپ، 10 ساعات 22 مينۋتتا 40 شارشى مەتر جالپى الاڭدا ءورت جويىلدى"،- دەلىنگەن الماتى قالاسىنىڭ توتەنشە جاعدايلار جونىندەگى دەپارتامەنت حابارلاماسىندا.
