بيىل اۋىل شارۋاشىلىعى داقىلدارى 1،4 ملن گەكتار سۋارمالى جەرلەر القابىندا ءوسىرىلدى.
بۇل تۋرالى اۋىل شارۋاشىلىق ءمينيسترى ەربول قاراشوكەيەۆ ۇكىمەت وتىرىسىندا ايتتى، دەپ حابارلايدى Almaty-akshamy.kz.
«ەلىمىزدە ءوز كەزەگىندە سۋدى كوپ قاجەت ەتەتىن داقىلداردى قىسقارتۋ جالعاسۋدا. بيىل باسقا رەنتابەلدى داقىلدارعا كوشۋ ەسەبىنەن كۇرىش القابى 2021 جىلمەن سالىستىرعاندا 8،7 مىڭ گەكتارعا ازايدى، ونىڭ ىشىندە قىزىلوردا وبلىسىندا 5،3 مىڭ گەكتارعا، تۇركىستان وبلىسىندا 2،9 مىڭ گەكتارعا جانە الماتى وبلىسىندا 0،6 مىڭ گەكتارعا قىسقاردى»، - دەدى مينيستر.