مەملەكەتتىك كەڭەسشى ەرلان قارين قازاقستاننىڭ ستراتەگيالىق زەرتتەۋلەر ينستيتۋتىنىڭ ۇيىمداستىرۋىمەن وتكەن «قازاقستاننىڭ ساياسي جاڭعىرۋى: باعىت جانە باعدار» اتتى ساراپشىلار فورۋمىنا قاتىستى، دەپ حابارلايدى Almaty-akshamy.kz اقورداعا سىلتەمە جاساپ.
سونداي-اق فورۋم جۇمىسىنا بەلگىلى ساياساتتانۋشىلار مەن الەۋمەتتىك عىلىم باعىتىنداعى ساراپشىلار، اكادەميالىق قوعامداستىق وكىلدەرى، ۋنيۆەرسيتەت وقىتۋشىلارى اتسالىستى.
ەرلان قارين قازىرگى سايلاۋدىڭ لوگيكاسى بيىلعى رەسپۋبليكالىق رەفەرەندۋمدا قابىلدانعان كونستيتۋسيالىق رەفورمادان تۋىندايتىنىن ايتتى.
مەملەكەتتىك كەڭەسشى بۇگىنگى ساياسي احۋالعا توقتالىپ، الداعى سايلاۋ ناۋقاندارى قولعا العان رەفورمالاردى ىسكە قوسۋدىڭ جانە بارلىق نەگىزگى ساياسي ينستيتۋتتاردى قايتا جاڭعىرتۋدىڭ تەتىگى ەكەنىن ەرەكشە اتاپ ءوتتى.
ەرلان ءقاريننىڭ پىكىرىنشە، ساياسي رەفورمالاردى ىسكە اسىرۋ ارقىلى مەملەكەتتىك ينستيتۋتتار اراسىنداعى قارىم-قاتىناستىڭ جاڭا پرينسيپتەرى قالىپتاسادى. سونىمەن قاتار بيلىك تارماقتارىنىڭ وڭتايلى تەڭگەرىمى جاسالادى. ناتيجەسىندە بيلىك ينستيتۋتتارىنىڭ «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» فورمۋلاسى بويىنشا تۇراقتى جۇيەسى قۇرىلادى.