مۋزەي كينوتەاترىندا «كوشپەندى»، «ءبىز وسىندا تۇرامىز» فيلمدەرىنىڭ كورسەتىلىمى وتەدى
ق ر مەملەكەتتىك ورتالىق مۋزەيىندە 2022 جىلدىڭ 21 قازانىندا ساعات 15.00-دە رەسپۋبليكا كۇنىنە ارنالعان «گۇلدەنە بەر، مەنىڭ قازاقستانىم» پاتريوتتىق ءىس-شاراسى وتەدى، دەپ حابارلايدى Almaty-akshamy.kz.
رەسپۋبليكا كۇنى – تاۋەلسىز قازاقستاننىڭ ومىرىندەگى ماڭىزدى كۇن. قازاقستان پرەزيدەنتى قاسىم-جومارت توقايەۆ ۇلتتىق مەرەكە مارتەبەسىن رەسپۋبليكا كۇنىنە قايتارۋدى ۇسىندى. بۇل كۇن ەلىمىزدىڭ مەملەكەتتىلىككە دەگەن باتىل قادامىنىڭ سيمۆولىنا اينالۋى ءتيىس ەكەنىن اتاپ ءوتتى.
ءىس-شارانىڭ ماقساتى – ستۋدەنتتەردىڭ قازاقستان رەسپۋبليكاسىنىڭ دامۋ جانە قالىپتاسۋ جولى تۋرالى بىلىمدەرىن بايىتۋ، ەلىمىزدىڭ تاريحىنا دەگەن قىزىعۋشىلىق پەن قۇرمەتتى قالىپتاستىرۋ، پاتريوتتىق سەزىم مەن تۋعان جەرگە دەگەن سۇيىسپەنشىلىككە تاربيەلەۋ.
ءىس-شارا اياسىندا كەلۋشىلەر نازارىنا قازاقستان رەسپۋبليكاسى ۇلتتىق ۇلاننىڭ «جاۋىنگەرلىك جانۇياداي ۇيىسقان، ۇلتتىق ۇلان – ەلى مەن حالقىنا قورعان» كورمەسى ۇسىنىلادى (فوتوسۋرەتتەر، كىتاپتار، ماراپاتتار جانە ت.ب.).
ءىس-شارا باعدارلاماسىندا: مەكتەپ وقۋشىلارىنىڭ «ءبىزدىڭ وتانىمىز - قازاقستان» اتتى قويىلىمى، مەكتەپ وقۋشىلارىنىڭ رەسپۋبليكا كۇنىنە ارنالعان ولەڭ وقۋلارى، سلايد-شوۋ، «ۇلى ەلىم مەنىڭ» ۆيكتوريناسى، كونسەرت، ورال تاڭسىقبايەۆ اتىنداعى رەسپۋبليكالىق ساندىك-قولدانبالى ونەر كوللەدجىنەن ءداستۇرلى قولونەر تۇرلەرى، «تۆوريم ۆمەستە» كەسكىندەمە مەكتەبى مەن «Giraffe ar tschool» قوسىمشا ءبىلىم بەرۋ ورتالىعىنان ساندىك-قولدانبالى ونەر بويىنشا شەبەرلىك-ساباقتار. مەرەكەلىك كۇنى مۋزەي كينوتەاترىندا «كوشپەندى»، «ءبىز وسىندا تۇرامىز» فيلمدەرىنىڭ كورسەتىلىمى وتەدى.
«گۇلدەنە بەر، قازاقستانىم» پاتريوتتىق ءىس-شاراسىن وتكىزۋ وسكەلەڭ ۇرپاقتى ادامگەرشىلىك-پاتريوتتىق تاربيەلەۋگە جانە شىعارماشىلىق تۇرعىدان دامىتۋعا ىقپال ەتەدى.