فەستيۆال 1-7 قاراشا ارالىعىندا وتەدى
م.اۋەزوۆ اتىنداعى قازاق ۇلتتىق دراما تەاترىندا جازۋشى-دراماتۋرگ مۇحتار اۋەزوۆتىڭ 125 جىلدىعىنا ارنالعان ورتالىق ازيا ەلدەرىنىڭ VIII حالىقارالىق تەاتر فەستيۆالى وتەدى، دەپ حابارلايدى Almaty-akshamy.kz.
فەستيۆال قۇرىلتايشىسى – قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ مادەنيەت كوميتەتى بولىپ تابىلادى. ماقساتى – ورتالىق ازيا ەلدەرى مەن تۇركىتىلدەس مەملەكەتتەردىڭ تەاتر ونەرى سالاسىنداعى ىنتىماقتاستىعى مەن دوستىق بايلانىستارىن نىعايتىپ، تەاتر ونەرىنىڭ كوركەمدىك كوكجيەگىن كەڭەيتۋ، ىزدەنىستەردى قولداۋ، شىعارماشىلىق يدەيالار الماسۋ، ورتالىق ازيا تەاترلارىنىڭ ءبىرتۇتاس كەڭىستىگىن جاساۋعا بەت بۇرۋ. فەستيۆالعا قازاقستان، تاتارستان، وزبەكستان، قىرعىزستان، ءازىربايجان، تاجىكستان تەاترلارى قاتىسىپ، ونەر كورسەتەدى.
باسپا ءسوز ماجىلىسىنە قازاقستان رەسپۋبليكاسى مادەنيەت جانە سپورت مينيسترلىگىنىڭ مادەنيەت كوميتەتىنىڭ ءتوراعاسى ر.كارىبجانوۆا، فەستيۆالدىڭ قازىلار القاسىنىڭ ءتوراعاسى قازاقستاننىڭ ەڭبەك ەرى ا.ءاشىموۆ جانە مۇحتار اۋەزوۆ اتىنداعى قازاق ۇلتتىق دراما تەاترىنىڭ ديرەكتورى، قازاقستاننىڭ ەڭبەك سىڭىرگەن قايراتكەرى ە.جۋاسبەك قاتىسادى.
1-7 قاراشا ارالىعىندا وتەتىن ورتالىق ازيا ەلدەرىنىڭ VIII حالىقارالىق تەاتر فەستيۆالىنىڭ رەپەرتۋارى:
- 1 قاراشا ساعات 17.00-دە باسپا ءسوز ءماجىلىسى؛
- 1 قاراشا ساعات 17.30-دا فەستيۆالدىڭ رەسمي اشىلۋى؛
- ساعات 18.30-دا «قاراگوز» تراگەدياسى (قازاقستان)؛
- 2 قاراشا ساعات 11.00-دە «نا زارە» پلاستيكالىق سپەكتاكلى (تاتارستان)؛
- ساعات 18.30-دا «حازينا» رومانتيكالىق كومەدياسى (وزبەكستان)؛
- 3 قاراشا ساعات 11.00-دە «توپون» دراماسى (قىرعىزستان)؛
- ساعات 18.30-دا «مارمەلادوۆتور» تراگيفارسى (قىرعىزستان)؛
- 4 قاراشا ساعات 11.00-دە «مى – كلوۋن» فەەريا-ماكابرى (ءازىربايجان)؛
- 4 قاراشا ساعات 18.30-دا «دون كيحوت» تراگيكومەدياسى (قازاقستان)؛
- 5 قاراشا ساعات 11.00-دە «لەتايۋششيي لەكار» كومەدياسى (تاجىكستان)؛
- 5 قاراشا ساعات 18.30-دا «شاعالا» تراگەدياسى» (قازاقستان)؛
- 6 قاراشا ساعات 11.00-دە «ليۋتىي» دراما-ۆەستەرنى (قازاقستان)؛
- 6 قاراشا ساعات 18.30-دا «قان مەن تەر. اقبالا» دراماسى (قازاقستان)؛
- 7 قاراشا ساعات 11.00-دە «ءماشھۇر گالەن» تراگيفارسى (قازاقستان)؛
- 7 قاراشا ساعات 18.00-دە فەستيۆالدىڭ رەسمي جابىلۋى.
سونىمەن قاتار، فەستيۆال اياسىندا وتاندىق سەنوگرافتاردىڭ شىعارماشىلىعىن ناسيحاتتاۋ ماقساتىندا «قازاقستان سەنوگرافتارى» كورمەسى جانە تۇڭعىش رەت ۇيىمداستىرىلىپ وتىرعان قازاقستاندىق (الماتىلىق) جەكە تەاترلار مەن مادەني الاڭداردىڭ شىعارماشىلىعىنداعى ۇزدىك سپەكتاكلدەردىڭ كورسەتىلىمى – قازاقستاندىق SHOWCASE ۇسىنىلادى.