مەملەكەتتىك كەڭەسشى ەرلان قارين قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ تىڭداۋشىلارى مەن وقىتۋشى-پروفەسسورلارىنىڭ الدىندا ءسوز سويلەدى، دەپ حابارلايدى اlmaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
ەرلان قارين قاسىم-جومارت توقايەۆتىڭ ساياسي باعدارىنىڭ يدەولوگيالىق سيپاتى ەلىمىزدەگى بارلىق وزگەرىستىڭ باستاۋىندا تۇرعان «ادىلەتتى قازاقستان» تۇجىرىمداماسىندا كورىنىس تاپقانىن اتاپ ءوتتى.
مەملەكەتتىك كەڭەسشى قازاقستاندا جۇرگىزىلىپ جاتقان ساياسي، ەكونوميكالىق جانە الەۋمەتتىك-مادەني رەفورمالاردىڭ ءمان-ماڭىزى، ماقساتى جانە نەگىزگى كەزەڭدەرى مەن ناتيجەلەرى تۋرالى اڭگىمەلەپ بەردى.
ەرلان ءقاريننىڭ پىكىرىنشە، قازىرگى باستى مىندەتتىڭ ءبىرى – ۇلتتىڭ جاڭا ساپاسىن قالىپتاستىرۋ جانە قوعامدى جاڭا قۇندىلىقتار جۇيەسى نەگىزىندە ورتاق ماقساتقا ۇيىستىرۋ. بۇل قۇندىلىقتاردى مەملەكەت باسشىسى ۇلتتىق قۇرىلتايدىڭ ءىىى وتىرىسىندا ايقىنداپ بەردى.
مەملەكەتتىك كەڭەسشى ىشكى ساياساتتا ءاردايىم ءوزىمىزدىڭ كۇن ءتارتىبىمىزدى باسشىلىققا الۋ قاجەتتىگىن اتاپ ءوتتى. ءبىزدىڭ ىشكى ساياساتىمىز جاسامپازدىققا نەگىزدەلگەن جانە جان-جاقتى جاڭعىرۋدى جانە رەفورمالار جۇرگىزۋدى كوزدەيدى.
ءسوزىنىڭ سوڭىندا ەرلان قارين اكادەميا تىڭداۋشىلارىنىڭ جانە وسى وقۋ ورنى قىزمەتكەرلەرىنىڭ سۇراقتارىنا جاۋاپ بەردى.