سۋپەركارلار الەمىندە بارىنە تانىمال اتاۋلار بار: Bugatti، Ferrari، Pagani، Koenigsegg - وسىلاي بۇل ءتىزىم جالعاستىرۋعا بولادى. ءبىراق ەڭ قىمبات جانە تانىمال سۋپەركارلاردان باسقا، ءسىز ەشقاشان ەستىمەگەن تاڭعاجايىپ اۆتوموبيلدەر جاسايتىن ونداعان شاعىن وندىرۋشىلەر بار. بۇگىن سولاردىڭ نازار اۋدارارلىق 5 از تانىمال سۋپەركار تۋرالى اlmaty-akshamy.kz جازادى.
سۋرەت: depositphotos.com
Aspark Owl: جاپونيادان شىققان گيپەركار
ەگەر ءسىز پلانەتاداعى ەڭ جىلدام نەمەسە ەڭ قىمبات گيپەركارلاردىڭ كەز كەلگەن ءتىزىمىن وقىعان بولساڭىز، Aspark Owl بۇل تىزىمدە بولۋى مۇمكىن. بۇل از تانىمال سۋپەركار جاپونيادان شىققان جانە العاش رەت 2017 جىلى Aspark يتالياداعى Manifattura Automobili Torino كومپانياسىمەن كەلىسىم جاساسقاننان كەيىن جاسالعان. ەڭ جاقىن وندىرىستىك پروتوتيپ 2019 جىلى دەبيۋت جاسادى.
Owl تولىعىمەن ەلەكترلىك جانە ءتورت ەلەكتر قوزعالتقىشىنىڭ كۇشى 1،953 ات كۇشىنە تەڭ كەلەدى. ورىننان قوزعالعاندا 0-60 ميل/ساع 1،72 سەكۋند ۋاقىتىنا قول جەتكىزەدى. گيپەركاردىڭ ءوندىرىسى 2020 جىلى باستالدى، جانە كومپانيا تۇتىنۋشىلارعا ءارقايسىسىنىڭ باعاسى شامامەن 3،1 ميلليون دوللار تۇراتىن بىرنەشە كولىكتى جەتكىزدى.
سۋرەت: depositphotos.com
Dallara Stradale: تراسسادان جولعا
Dallaraنىڭ تاريحى ۇزاق. كومپانيا 1972 جىلدان بەرى فورمۋلا 1، IndyCar جانە باسقا دا ونداعان سەريالار ءۇشىن جارىس كولىكتەرىنىڭ شاسسيلەرىن شىعارادى. 2017 جىلى Dallara ءوزىنىڭ العاشقى جول كولىگىن ۇسىندى: Stradale.
Dallara Stradale جەڭىل، مينيماليستىك ديزاينىمەن جانە بۇرىنعى Focus RS-تەن شىققان 2،3 ليترلىك تۋربوكومپرەسسورلى ءتورت ءسيليندرلى قوزعالتقىشىمەن كومپانيانىڭ ۇزاق تاريحىنا نەگىزدەلگەن. كولىك 395 ات كۇشىن قۇرايدى. اۆتوموبيل شامامەن 3،3 سەكۋندتى 0-60 ميل/ساع جىلدامدىقتى الادى. كۇشتى Dallara EXP 2021 جىلى 493 ات كۇشىمەن ەرەكشەلەندى. Stradale باعاسى شامامەن 236 000 دوللاردان باستالادى.
سۋرەت: Freepik
De Tomaso P72: وركەندەۋ ءداۋىرى
De Tomaso برەندى 1959 جىلدان بەرى بار. باستاپقىدا كومپانيا Mangusta جانە Pantera سياقتى كولىكتەردى شىعاردى. 2014 جىلى كومپانيا باسشىلىعى اۋىستى. جاڭا باسشىلىق P72 دەپ اتالاتىن سۋپەركاردى شىعارۋ جۇمىسىن تەز قولعا الدى.
De Tomaso P72 كونسەپسياسى 2019 جىلى گۋدۆۋد جىلدامدىق فەستيۆالىندە كوپشىلىكتى تاڭقالدىردى. ول التى جىلدامدىقتى مەحانيكالىق بەرىلىس قورابىمەن بىرىكتىرىلگەن 700 ات كۇشىنە تەك. 5،0 ليترلىك Ford V-8 قوزعالتقىشى قويىلدى. P72 ءوندىرىسىنىڭ قۇنى 850 000 دوللاردى قۇرايدى. ءبىراق كومپانيا قيىندىقتارعا تاپ بولىپ، ونى ءالى رەسمي تۇردە ساتۋعا قويعان جوق.
سۋرەت: Freepik
Picasso 660 LMS: ونەر جانە تەحنولوگيا
پيكاسسو ونەر سالاسى بويىنشا كەڭىنەن تانىمال. ءبىراق Picasso Automotive ونەردىڭ مۇلدە باسقا ءتۇرىن جاسايدى. شۆەيساريالىق شاعىن سۋپەركار ءوندىرۋشى 660 ات كۇشىنە تەڭ كەلەتىن 3،0 ليترلىك قوس تۋربوكومپرەسسورلى V-6 قوزعالتقىشى بار اگرەسسيۆتى كورىنەتىن سپورتتىق اۆتوموبيل 660 LMS شىعاردى. 660 LMS سالماعى نەبارى 980 كەلى.
پيكاسسو 2022 جىلى 660 LMS ءوندىرىسىن باستادى. ءبىر قىزىعى ءاۆتووندىرۋشى كومپانيا بار بولعانى 21 بىرلىك شىعارۋدى جوسپارلاپتى. الايدا جوسپارلانعان كولىكتىڭ بارلىعى قۇراستىرىلىپ شىقتى ما؟ ول جاعى بەلگىسىز. كومپانيانىڭ 660 LMS كولىگىنىڭ باستاپقى باعاسىن $875 000 دەپ بەكىتتى.
سۋرەت: Freepik
Radford Type 62-2: كلاسسيكا قايتا جاڭعىرۋدا
رەدفورد اتاۋى 1948 جىلدان بەرى بەلگىلى. ول كەزدە كومپانيا ءوزىنىڭ قايتا وڭدەلگەن Bentley جانە Rolls-Royce كولىكتەرىمەن تانىمال بريتاندىق ۆاگون قۇراستىرۋشى بولدى. ءبىراق 1960 جىلداردىڭ اياعىنان بەرى اسا نازار اۋداراتىن كولىك شىعارماي، تىنىشتىقتى ساقتاعان رەدفورد 2021 جىلى جاڭا Type 62-2 سپورتتىق كولىگىمەن اۆتو الەمگە قىزىعۋشىلاردىڭ نازارىن اۋداردى.