ق ر مەملەكەتتىك حاتشىسى ەرلان قارين پرەزيدەنت قاسىم-جومارت توقايەۆتىڭ پارلامەنت ءماجىلىسىنىڭ كەشەگى جالپى وتىرىسىندا سويلەگەن ءسوزى تۋرالى پىكىر ءبىلدىردى، دەپ حابارلايدى اlmaty-akshamy.kz
«مەملەكەت باسشىسىنىڭ كەشەگى ءسوزىنىڭ نەگىزگى ايتپاعى نە؟ بىرىنشىدەن، پرەزيدەنتتىڭ ءسوزى تەرروريستەرگە قارسى كۇرەستىڭ شەشۋشى كەزەڭىنىڭ اياقتالعانىن بىلدىرەدى»، - دەپ جازدى ەرلان قارين Telegram كانالىندا.
ايتۋىنشا، بۇعان دەيىنگى وسى ماسەلە بويىنشا جاساعان ۇندەۋلەرىندە مەملەكەت باسشىسى تەرروريستىك اگرەسسياعا تويتارىس بەرۋ جانە جاعدايدى تۇراقتاندىرۋ جونىندەگى بارلىق ىس-ارەكەتتەر تۋرالى حاباردار ەتىپ كەلگەن. ال كەشەگى سوزىندە پرەزيدەنت جاڭا كۇن ءتارتىبىن ۇسىنعان.
«ازاماتتار، قوعام جانە ەليتا ءۇشىن ەرتەڭگى كۇننىڭ كورىنىسى بەلگىلەندى. پرەزيدەنت ۇسىنعان كۇن ءتارتىبى قوعامنىڭ ءۇمىتىن وياتىپ، ەرتەڭگە دەگەن سەنىم ۇيالاتۋعا جانە كۇردەلى پروبلەمالاردى شەشۋدىڭ سىندارلى باعىتىن بەلگىلەۋگە ارنالعان. ول بارشامىزدى جاڭا قازاقستاندى قۇرۋ دەيتىن ۇلكەن جاسامپاز پروسەسكە قاتىسۋعا شاقىرادى. بۇل باعدار بارلىق سانالى قوعامدىق-ساياسي كۇشتەردى العا جىلجۋ ءۇشىن بىرىكتىرىپ، ءبىر ماقساتقا شوعىرلاندىرۋدى كوزدەيدى»، - دەيدى مەملەكەتتىك حاتشى.
ەرلان قارين جازباسىندا «جاڭا قازاقستان» ۇرانىنىڭ استارىنا دا ۇڭىلگەن.
«جاڭا قازاقستان دەگەن نەنى بىلدىرەدى؟ بۇل كەيبىر ساراپشىلار ۇسىنعانداي، مەملەكەتتىك اپپاراتتى جاڭارتۋ عانا ەمەس. بۇل، ەڭ الدىمەن، قوعامدىق قۇندىلىقتاردى قايتا جاڭعىرتۋ. راديكاليزمنەن، ەكسترەميستىك كوزقاراستار مەن ارەكەتتەردەن باس تارتۋ، شىعارماشىلىق جاسامپازدىق جىگەردى نىعايتۋ. قوعامداعى بارشا كەمشىلىكتەردى ەڭسەرۋ. بۇل كەزەڭ-كەزەڭىمەن جانە جۇيەلى رەفورمالاردى جالعاستىرۋدى دا بىلدىرەدى. مەملەكەت ساياساتىن گۋمانيتارلىق ولشەممەن قاراپ، ادامي كاپيتالعا باسىمدىق بەرىلەدى»، - دەپ جازدى مەملەكەتتىك حاتشى ەرلان قارين.