ق ر پرەزيدەنتى قاسىم-جومارت توقايەۆ الماتىعا كەلدى. بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي ءمالىم ەتتى، دەپ حابارلايدى almaty-akshamy.kz
«پرەزيدەنتتىڭ الماتىعا كەلگەنىن راستايمىز. ول الماتىدا وتكەن جەدەل شتاب وتىرىسىنا قاتىستى. سونداي-اق، قازا تاپقان پوليسيا قىزمەتكەرلەرىنىڭ، اسكەري قىزمەتشىلەردىڭ تۋىستارىمەن جانە جاقىندارىمەن كەزدەستى، كوڭىل ايتىپ، ناگرادالار تاپسىردى»، - دەپ حابارلادى بەرىك ءۋالي.