ازاماتتارىمىز قاي باعىتتار بويىنشا ۇشا الادى؟

ءبىرقاتار اۋە باعىتتارى اشىلادى

حالىقارالىق اۋە رەيستەرىن ورىنداۋعا قاتىستى اقپارات جاريالاندى، دەپ حابارلايدى Almaty-akshamy.kz

نۇر-سۇلتان قالاسىنان/قالاسىنا ماسكەۋ، دۋباي، فرانكفۋرت، ىستامبۇل، كۋتايسي، تاشكەنت، پحۋكەت، گوا، سانكت-پەتەربۋرگ، كولومبو، بىشكەك، مالە، ومبى، تبيليسي قالالارىنان/قالالارىنا 36 حالىقارالىق رەيستى ورىنداۋ جوسپارلانىپ وتىر، كراسنويارسك قالاسىنان/قالاسىنا 2 رەيس توقتاتىلدى.

اقتاۋ، شىمكەنت، تۇركىستان، اتىراۋ، اقتوبە، ورال قالالارىنان ۇرگەنىش، نۇكىس، امستەردام، ىستامبۇل، شاردجا، پحۋكەت، ماسكەۋ قالالارىنان/قالالارىنا، الماتى، اقتاۋ، تۇركىستان قالالارىنان ىستامبۇل، دۋباي، سەۋل، مينسك، كۋۆەيت، كالينينگراد، دۋشانبە، ماسكەۋ، ۇرگەنچ قالالارىنان/قالالارىنا 18 حالىقارالىق رەيستى ورىنداۋ جوسپارلانىپ وتىر. ق ر بويىنشا بارلىعى 54 رەيستى ورىنداۋ جوسپارلانىپ، 22 رەيس توقتاتىلدى.

«Lufthansa» جانە «Turkish Airlines» اۆياكومپانيالارىنىڭ رەيستەرىن قوسپاعاندا، نۇر-سۇلتان قالاسىنداعى حالىقارالىق اۋە قاتىناسى تولىعىمەن قالپىنا كەلتىرىلدى.

«Turkish Airlines» اۆياكومپانياسى 13 قاڭتاردان باستاپ نۇر-سۇلتان قالاسىنا ۇشۋدى قايتا باستاۋدى جوسپارلاپ وتىر.