قۇتقارۋشىلار ەسكەرتۋ جاسادى
قازگيدرومەتتىڭ داۋىلدى ەسكەرتۋى نەگىزىندە جانە كىشى، ۇلكەن الماتى وزەن القاپتارنىڭ تاۋ بوكتەرىندەگى قار جامىلعىسىنىڭ تۇراقسىز بولۋىنا بايلانىستى الماتىدا 19-24 ناۋرىز ارالىعىندا قار كوشكىنىنىڭ ءقاۋپى ساقتالادى. بۇل تۋرالى الماتى قالالىق توتەنشە جاعدايلار دەپارتامەنتىنەن ءمالىم ەتتى، دەپ حابارلايدى Almaty-akshamy.kz.
قار كوشكىنى ءقاۋپىنىڭ ساقتالۋىنا بايلانىستى مەرەكە كۇندەرى تاۋعا اتتانعان ادامداردىڭ نازارىنا جادىناما تاراتىلىپ، قاۋىپسىزدىك بويىنشا ءتۇسىندىرۋ جۇمىستارى ءجۇرىپ جاتىر.
«مەدەۋ» تاۋ كەشەنىندە تۋريستەر مەن دەمالۋشىلارعا تاۋلى جەردەگى ءقاۋىپسىز ءجۇرىپ-تۇرۋ شارالارى تۋرالى جادىنىما تاراتىلدى.
«الماتى قالاسىنىڭ تۇرعىندارى مەن قوناقتارى تىك قارلى بەتكەيگە شىقپاعانى ابزال. تاۋدا اباي بولىڭىزدار. كوشكىن ءقاۋپى تۋرالى داۋىلدى ەسكەرتۋ ساقتالادى»،- دەپ ەسكەرتتى قالالىق تجد.
بۇگىنگى كۇنى الماتى وڭىرىندە 165 قار جينايتىن ۋچاسكە بار، ونىڭ 18ء-ى ءقاۋىپتى.
جالپى 16 مارتە قار ءتۇسىرىلىپ، پروفيلاكتيكالىق جۇمىس جۇرگىزىلدى.
اۆتوجولداردىڭ الدىن الا جابىلعان ۋچاسكەلەرىندە جالپى كولەمى 320 مىڭنان استام كۋب مەتر وزدىگىنەن تۇسكەن 100 دەن استام قار كوشكىنىنىڭ دەرەكتەرى تىركەلدى.
قار كوشكىنىن الدىن الا ءتۇسىرۋ جۇمىسى ۇسىنىم بويىنشا جانە «قازگيدرومەت» رمك قار كوشكىنى ستانسيالارى ماماندارىنىڭ تىكەلەي قاتىسۋىمەن وتەدى.
قار كوشكىنىن پروفيلاكتيكالىق تۇسىرۋگە رەسپۋبليكالىق جەدەل-قۇتقارۋ جاساعى، اپاتتىق مەديسينا ورتالىعى، توتەنشە جاعدايلار جانە پوليسيا دەپارتامەنتىنىڭ ماماندارى قاتىسادى.
ايتا كەتەيىك، تاۋلى ايماقتاردا تۋىندايتىن قار كوشكىنى - قايتالانۋ جانە قيراتۋ اسەرى بويىنشا اسا ءقاۋىپتى تابيعي قۇبىلىس.
قار كوشكىنى ۇلكەن كۇشكە يە، ونىڭ ماكسيمالدى جىلدامدىعى ساعاتىنا 80 كم-گە دەيىن جەتۋى مۇمكىن.
كوشكىن كەزىندەگى قار ماسساسىنىڭ كولەمى - بىرنەشە ميلليون تەكشە مەتر.