مەملەكەتتىك كەڭەسشى ەرلان قارين ەلورداداعى №164 داۋىس بەرۋ ۋچاسكەسىنە كەلىپ، اتوم ەلەكتر ستانساسىن سالۋ تۋرالى رەفەرەندۋمدا ءوز تاڭداۋىن جاسادى.
"رەفەرەندۋمعا ءارقاشان ەل ءۇشىن ماڭىزدى ماسەلە شىعارىلادى، سوندىقتان بۇگىنگى اەس سالۋ تۋرالى ماسەلە دە اسا وزەكتى. بۇل شەشىم ەلىمىزدىڭ ەكونوميكالىق دامۋ باعىتىن ايقىندايتىن بولادى. سونىمەن قاتار، رەفەرەندۋمدى وتكىزۋ تاجىريبەسىنىڭ ءوزى دە ۇلكەن مانگە يە. ءبىز تمد جانە ورتالىق ازيا ەلدەرى اراسىندا رەفەرەندۋم وتكىزەتىن جالعىز ەلمىز. بۇل مەملەكەت پەن قوعام اراسىنداعى جاڭا ساياسي مادەنيەتتىڭ قالىپتاسۋىنا اسەر ەتەدى،" - دەدى ەرلان قارين داۋىس بەرگەن سوڭ ب ا ق وكىلدەرىنە بەرگەن سۇحباتىندا.