الماتىداعى № 243 ۋچاسكەسىندە داۋىس بەرۋ تاڭعى ساعات 7-دە باستالدى. العاشقى كەلگەن سايلاۋشىلارعا سىي رەتىندە شوكولاد بەرىلدى، دەپ حابارلايدى aqshamnews.kz
بوكەن سارسەنباي ۇلى مەن راۋشان راپييەۆا ەرلى-زايىپتى العاشقىلاردىڭ ءبىرى بولىپ ءوز داۋىستارىن بەرۋگە كەلدى.
«رەفەرەندۋمدا داۋىس بەرۋ — مەنىڭ ازاماتتىق بورىشىم، سوندىقتان ونى ۋاقىتىندا ورىنداۋعا تىرىسامىن»، — دەپ ءبولىستى بوكەن-اتا.
سايلاۋ ۋچاسكەسىندە «امانات» پارتياسىنىڭ، «جاستار ءۇنى» بلوگىنىڭ، «ادام جانە قوعام» قوعامدىق بىرلەستىگىنىڭ جانە باسقا دا ۇيىمداردىڭ وكىلدەرى باقىلاۋشى رەتىندە جۇمىس ىستەۋدە.