ايەلىن ۇرعان ەركەكتەرگە پسيحولوگيالىق كومەك كورسەتىلەدى.
زورلىق-زومبىلىققا قاتىستى اكىمشىلىك نەمەسە قىلمىستىق قۇقىق بۇزۋشىلىق جاساعاندارعا ەمحانالاردا پسيحولوگيالىق قولداۋ كورسەتىلەدى، دەپ حابارلايدى Almaty-akshamy.kz
دەنساۋلىق ساقتاۋ ءمينيسترى 2024 جىلعى 29 ماۋسىمداعى بۇيرىقپەن دەنساۋلىق ساقتاۋ ۇيىمدارىندا اكىمشىلىك، قىلمىستىق قۇقىق بۇزۋشىلىق جاساعان ادامدارعا پسيحولوگيالىق كومەك كورسەتۋ قاعيدالارىن بەكىتتى.
بۇل كومەك مىنەز-قۇلىقتى وزگەرتۋگە جانە كەلەسى وقيعالاردىڭ الدىن الۋعا باعىتتالعان. سەسسيالاردى وسىنداي كليەنتتەرمەن جۇمىس ىستەۋ ءۇشىن ارنايى دايىندالعان پسيحولوگتار جۇرگىزەدى، ونىڭ ىشىندە سەنىمدى قارىم-قاتىناس ورناتۋ، مىنەز-قۇلىق اسپەكتىلەرىن تۇزەتۋ جانە ارالاسۋ ناتيجەلەرىن باعالاۋ كەزەڭدەرى قامتىلعان.
پسيحولوگيالىق كومەك ەمحانالاردا كورسەتىلەتىن بولادى.
كومەك سوت اكتىسى نەگىزىندە كورسەتىلەدى. پسيحولوگيالىق كونسۋلتاسيالار پسيحولوگ كابينەتىندە جۇرگىزىلەدى. مۇنداي ادامدارعا پسيحولوگيالىق كومەك كورسەتۋگە قارسى كورسەتكىشتەر رەتىندە ستاسيونارلىق ەمدەۋدى قاجەت ەتەتىن اۋرۋلاردىڭ نەمەسە جۇقپالى اۋرۋلاردىڭ بولۋى دەپ تانىلدى.
بۇيرىق 2024 جىلعى 15 شىلدەدەن باستاپ قولدانىسقا ەنگىزىلەدى.