قونايەۆتىڭ ءبىر بولىگى جاڭا قالانىڭ قۇرامىنا وتەدى.
الماتى وبلىسى اكىمدىگى مەن ءوڭىر ءماسليحاتىنىڭ "الاتاۋ قالاسىنىڭ شەكاراسىن (شەگىن) بەلگىلەۋ تۋرالى" بىرلەسكەن شەشىمى ءازىر بولدى، دەپ حابارلايدى Almaty-akshamy.kz
"الماتى وبلىستىق ءماسليحاتى شەشىمىنىڭ جانە الماتى وبلىسىنىڭ اكىمدىگى قاۋلىسىنىڭ قوسىمشاسىنا سايكەس الاتاۋ قالاسىنىڭ شەكاراسى (شەگى)، ونىڭ شەگىنە جالپى اۋدانى 88267،0086 گەكتار قونايەۆ قالاسىنىڭ، ىلە جانە تالعار اۋداندارىنىڭ كەيبىر جەرلەرىن قوسا وتىرىپ، بەلگىلەنسىن"، دەلىنگەن قۇجاتتا.
اتاپ ايتقاندا، الاتاۋ قالاسىنىڭ قۇرامىنا قونايەۆ قالاسىنان 10937،0052 گەكتار، ىلە اۋدانىنان 65213،0004 گەكتار جانە تالعار اۋدانىنان 12117،003 گەكتار جەر تەلىمى وتەدى.
قۇجات قوعامدىق تالقى ءۇشىن اشىق نقا سايتىنا 23 شىلدەگە دەيىن ورنالاستىرىلدى.