ءبىراق ۇكىم زاڭدى كۇشىنە ەنگەن جوق.
الماتىداعى تۇرعىن ۇيلەردىڭ بىرىندە بۇرىنعى ايەلىن سوققىعا جىققان ەر ادام جاۋاپكەرشىلىككە تارتىلدى، دەپ حابارلايدى Almaty-akshamy.kz
الماتى قالاسىنىڭ ناۋرىزباي اۋداندىق سوتىندا ايەلگە قول كوتەرگەن ايىپتالۋشى م-عا قاتىستى قىلمىستىق ءىس قارالدى. سوت انىقتاعانداي، سوتتالۋشى بۇرىن بىرگە تۇرعان ايەلدى ءۇيدىڭ كىرەبەرىسىندە بىرنەشە رەت ۇرىپ، دەنساۋلىعىنا جەڭىل زيان كەلتىرگەن.
«سوتتالۋشىنىڭ كىناسى جابىرلەنۋشىنىڭ ايعاقتارىمەن جانە قىلمىستىق ءىستىڭ باسقا دا ماتەريالدارىمەن دالەلدەندى. ايىپتالۋشى كىناسىن مويىندادى»، دەلىنگەن حابارلامادا.
سوتتالۋشى بۇزاقىلىق جاساعانى ءۇشىن كىنالى دەپ تانىلىپ، وعان 1 جىل باس بوستاندىعىن شەكتەۋ تۇرىندەگى جازا تاعايىندالدى.