تاشكەنتتەگى Humo Arena كەشەنىندە قىستىڭ ەڭ كوپ كۇتىلگەن جەكپە-جەكتەرىنىڭ ءبىرى ءوتتى.
قازاقستاندىق ەركەبۇلان توقتار وزبەكستاندىق تيمۋر نيكۋلينمەن وكتاگوندا كۇش سىناستى. بۇل كەزدەسۋ All Stars Entertainment ۇيىمداستىرعان ءتۋرنيردىڭ باستى جەكپە-جەگى بولدى.
ناتيجەسىندە ەركەبۇلان توقتار قارسىلاسىن العاشقى راۋندتا نوكاۋتقا ءتۇسىرىپ، ايقىن ءارى تازا جەڭىسكە جەتتى. ايتا كەتەيىك، ەركەبۇلان توقتار اكتەرلىك مانساپتى، Octagon BMF League چەمپيونى اتاعىن جانە كاسىبي مما سپورتىنداعى جولىن قاتار الىپ ءجۇرىپ كەلەدى.