جۇمىس ساپارى بارىسىندا ونلاين تاپسىرىستاردى وڭدەۋگە جانە قالا تۇرعىندارىنا جەدەل جەتكىزۋگە ارنالعان زاماناۋي dark store — تاراتۋ ورتالىعى تانىستىرىلدى. نىسان قازىرگى لوگيستيكالىق ستاندارتتارعا ساي سالىنعان جانە تاۋلىك بويى ۇزدىكسىز جۇمىس ىستەۋگە قاجەتتى ينفراقۇرىلىممەن جابدىقتالعان.
جوبا جەكە ينۆەستيسيا ەسەبىنەن جۇزەگە اسىرىلىپ، ەلەكتروندىق كوممەرسيانى دامىتۋعا، سەرۆيستىڭ ساپاسىن ارتتىرۋعا جانە جاڭا جۇمىس ورىندارىن قۇرۋعا باعىتتالعان. نىساننىڭ جالپى قۋاتى تاۋلىگىنە 14 مىڭعا دەيىن تاپسىرىستى وڭدەۋگە مۇمكىندىك بەرەدى، بۇل قالانىڭ لوگيستيكالىق الەۋەتىن ەداۋىر كۇشەيتەدى. تەكسەرۋ بارىسىندا ەڭبەك ۇدەرىسىن ۇيىمداستىرۋ، سيفرلاندىرۋ دەڭگەيى، قاۋىپسىزدىك تالاپتارىنىڭ ساقتالۋى جانە قالا قۇرىلىسى نورمالارىنا سايكەستىك ماسەلەلەرىنە ەرەكشە نازار اۋدارىلدى.
وسىنداي نىسانداردى دامىتۋ ەكونوميكانى ءارتاراپتاندىرۋعا جانە قالالىق ينفراقۇرىلىمنىڭ تۇراقتىلىعىن نىعايتۋعا ىقپال ەتەدى. الماتى اكىمى زاماناۋي لوگيستيكا مەن سەرۆيس تالاپتارىنا ساي كەلەتىن، جۇمىس ورىندارىن قۇراتىن ينۆەستيسيالىق جوبالاردى قولداۋدىڭ ماڭىزدىلىعىن اتاپ ءوتتى.