2023 جىلعى 17 قازاندا قۇتقارۋشىلار كۇنى قارساڭىندا استانا قالاسى ۇركەر شاعىن اۋدانىندا ءورت ءسوندىرۋشى اسقار سەرىك ۇلى زابيكۋليننىڭ اتى بەرىلگەن كوشەنىڭ اشىلۋى ءوتتى، دەپ حابارلايدى almaty-akshamy.kz استانا قالاسى تجد باسپا ءسوز قىزمەتىنە سىلتەمە جاساپ.
مەملەكەت باسشىسىنىڭ تاپسىرماسى بويىنشا استانا قالاسى ءماسليحاتىنىڭ 2023 جىلعى 19 قاڭتارداعى شەشىمىمەن استانا قالاسىنداعى كوشەلەردىڭ بىرىنە ەرجۇرەك ءورت ءسوندىرۋشىنىڭ ەسىمىن ماڭگى ەستە ساقتاۋ ماقساتىندا اسقار زابيكۋليننىڭ ەسىمى بەرىلىپ، ەستەلىك تاقتايشا ورناتىلعان. بۇگىنكوشەنىڭ اشىلۋىنا اسقار زابيكۋليننىڭ تۋىستارى، جولداسى مەن بالالارى جانەت ازاماتتىق قورعاۋ ورگاندارىنىڭ ارداگەرلەرى، استانا قالاسى تجد باسشىلىعى مەن جەكە قۇرامى قاتىستى. ءىس-شارا بارىسىندا اسقار زابيكۋليننىڭ جاقىندارى، تجد قىزمەتكەرلەرى مەن ارداگەرلەرى اعاش وتىرعىزدى.
استانا قالاسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى جەدەل كەزەكشىسىنىڭ كومەكشىسى اسقار زابيكۋلين ءورت ءسوندىرۋ كەزىندە 3 ادامنىڭ ءومىرىن قۇتقارىپ، العان اۋىر جاراقاتتان 20 قاراشا كۇنى اۋرۋحانادا كوز جۇمعان بولاتىن. ونىڭ ارتىندا جۇبايى مەن ەكى بالاسى قالدى.
قىزمەتتىك بورىشقا ادالدىق، ماماندىققا دەگەن سۇيىسپەنشىلىك، مىنەزدىڭ بەرىكتىگى مەن جاۋاپتىلىعى بۇل اسقار زابيكۋليننىڭ بويىنداعى قاسيەتتەر ەدى. ونىڭ باتىل دا باتىر ىس-ارەكەتتەرى مەنبەينەسى ماڭگى جادىمىزدا قالادى.