الماتى قالاسى اكىمىنىڭ ورىنباسارى ەرجان باباقۇماروۆ ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا مەگاپوليستە بارلىق جاعداي جاسالعانىن، ۆاكسينالاۋ ءۇشىن قاجەتتى ينفراقۇرىلىم سالىنعانىن حابارلادى. الايدا، كەيبىر ازاماتتار ءالى ەگۋ تۋرالى شەشىم قابىلداعان جوق دەپ مالىمدەدى.
«ۆاكسينالاۋ ءبىز ءۇشىن ستراتەگيالىق ماسەلە بولىپ تابىلادى، وعان قالانىڭ تۇراقتى دامۋى تاۋەلدى. جاپپاي ۆاكسينالاۋ باستالعانعا دەيىن وسى جىلدىڭ اقپان ايىندا بارلىق ينفراقۇرىلىم، سونىڭ ىشىندە سۋىق تىزبەك جانە ۆاكسينالاۋ پۋنكتتەرى دايىندالدى»، - دەدى ەرجان باباقۇماروۆ.
الماتى اكىمى ورىنباسارىنىڭ پىكىرىنشە، ءقازىر ۆاكسينالاۋ ءۇشىن ەڭ قولايلى ءسات، قالا تۇرعىندارىنىڭ كوپشىلىگى دەمالىستان ورالدى، مەكتەپ سىنىپتارى مەن جوعارى وقۋ ورىندارىنىڭ اۋديتوريالارى تولتىرىلدى. قالا تولىققاندى جۇمىس رەجيمىنە ورالدى. تەك ۆاكسينالاۋ بۇل جاعدايدى ساقتاپ، اۋرۋدىڭ ورشۋىنە جول بەرمەيدى.
ەرجان باباقۇماروۆ الماتىدا ۆاكسينالاۋدى جۇرگىزۋ ءۇشىن مەديسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلاردا جانە قالانىڭ سوسو-دا 250 ەگۋ پۋنكتى دايىن ەكەنىن اتاپ ءوتتى. بۇگىندە ونىڭ ىشىندە 160 ەگۋ پۋنكتى، قۇرامىندا 1028 مەديسينا قىزمەتكەرى بار 237 ەگۋ بريگاداسى جۇمىس ىستەيدى.
الماتى اكىمىنىڭ ورىنباسارى اقپان ايىندا ۆاكسينالاۋدىڭ ءبىرىنشى كەزەڭى اياسىندا مەديسينا قىزمەتكەرلەرى، وقىتۋشىلار مەن قۇقىق قورعاۋ ورگاندارىنىڭ قىزمەتكەرلەرى - بارلىعى 3 مىڭنان استام ادام ۆاكسينالانعانىن ەسكە سالدى.
«ءساۋىر ايىنان باستاپ حالىقتى ۆاكسينالاۋعا كىرىستىك. باستاپقىدا الماتىنىڭ رەسمي تىركەلگەن 2 ملن تۇرعىنىنىڭ 1،2 ملن-عا جۋىعىن ەگۋ مىندەتى تۇردى. بۇل ۆاكسينالاۋعا جاتاتىن حالىقتىڭ سانى، مەديسينالىق قارسى كورسەتىلىمدەرى بار ادامدار، جۇكتى ايەلدەر مەن بالالاردى قوسپاعاندا»، - دەپ ەسكە سالدى ە. باباقۇماروۆ.
ءبىرىنشى كەزەڭدە 18 جاسقا دەيىنگى بالالاردى شەگەرگەندە 2 ملن تۇرعىننان 602 مىڭ ادام، جۇكتى ايەلدەر - 20 551، مەديسينالىق قارسى كورسەتىلى بار - 173 مىڭ ادام، 1 090 103 ادامدى ۆاكسيناسيالاۋ مىندەتى تۇردى.
بۇگىنگى تاڭدا كۆي-گە قارسى ەگۋدىڭ ءبىرىنشى كومپونەنتىن ۆاكسينالاۋعا جاتاتىن 960 مىڭنان استام ادام الدى، بۇل 77%-دى قۇرايدى؛ ال ەكىنشى كومپونەنتتى 873 مىڭنان استام تۇرعىن الدى.
«Pfizer ۆاكسيناسىنىڭ الداعى ءتۇسۋىن ەسكەرە وتىرىپ، ۆاكسينالاۋعا جاتاتىن حالىقتىڭ سانى 1،3 ملن ادامدى قۇرايدى، ونىڭ ىشىندە 12-17 جاستاعى جاسوسپىرىمدەر مەن جۇكتى ايەلدەر. وسىلايشا، جاپپاي ۆاكسيناسيا جۇرگىزىلىپ جاتقان ەلدەردىڭ تاجىريبەسى بويىنشا 300 مىڭدىق دەڭگەيدى ەڭسەرۋگە كۇش سالامىز دەپ ۇمىتتەنەمىز، جاعدايدى سەنىمدى تۇراقتاندىرۋ ءۇشىن حالىقتىڭ 90%-ىن نەمەسە ودان دا كوبىن ۆاكسينالاۋ قاجەت»، - دەدى الماتى اكىمىنىڭ ورىنباسارى.
ەرجان باباقۇماروۆ الماتىداعى ۆاكسينالاۋدىڭ قارقىنىن كۇن سايىن باقىلاپ وتىراتىنىن جانە ازىرگە ولار يدەالدان الىس ەكەنىن حابارلادى. ول مەگاپوليستىڭ ۆاكسينالانباعان تۇرعىندارىن وزدەرىنىڭ قاۋىپسىزدىگى، تۋىستارى مەن دوستارىنىڭ دەنساۋلىعى، شەكتەۋلەرگە بايلانىستى جاقسى جاققا وزگەرە المايتىن ءومىر ساپاسى تۋرالى بايىپتى ويلاۋعا شاقىردى.
«ۇجىمدىق يممۋنيتەت قالاعا بۇرىنعى ءومىر ىرعاعىنا ورالۋعا، ادەتتەگى ءومىر سالتىن قالپىنا كەلتىرۋگە جانە بارلىق شەكتەۋلەردەن ارىلۋعا مۇمكىندىك بەرەدى. ۆاكسينالاۋدىڭ تيىمدىلىگى تۋرالى الماتىدا كوروناۆيرۋستىق ينفەكسيانىڭ ءتورتىنشى تولقىنى ۇزاقتىعى بويىنشا باسقا وڭىرلەرگە قاراعاندا ەكى ەسە قىسقا بولعاندىعىمەن ايتۋعا بولادى. وسى كەزەڭدە حالىق بەلسەندى تۇردە ۆاكسينالاندى، تاۋلىگىنە 10 مىڭنان استام ادام ەكپە الدى. بۇل حالىقتىڭ كۆي-گە قارسى يممۋنيتەتىن قالىپتاستىرۋعا مۇمكىندىك بەردى»، - دەپ جالعاستىردى ءسوزىن ەرجان باباقۇماروۆ.
ۆاكسينالاۋ قارقىنى تۋرالى ايتا كەلە، اكىمنىڭ ورىنباسارى ۆاكسينالانباعان قالا تۇرعىندارىنىڭ باسىم كوپشىلىگى اۋىرىپ، رەانيماسيادا جاتقانىن ايتتى. ستاسيونارلارعا تۇسكەندەردىڭ جالپى سانىنىڭ تەك 0،03%-ىن بۇرىن كۆي-گە قارسى ۆاكسينا العان پاسيەنتتەر قۇرايدى. بۇل فاكت ۋاقتىلى ۆاكسينالاۋدىڭ تيىمدىلىگىن كورسەتەدى.
«مەن ءالى ۆاكسينالاۋعا باتىلى جەتپەگەن الماتىلىقتاردى بارلىق قورقىنىش پەن كۇماندى جويىپ، تاعى دا ەكپە سالدىرۋعا شاقىرامىن. قالانىڭ ءاربىر تۇرعىنى ازاماتتىق جاۋاپكەرشىلىك پەن بەلسەندىلىك تانىتۋى ءتيىس»، - دەدى ەرجان باباقۇماروۆ.