اۆتوبۋسقا مىنگىزەردە جولاۋشىنىڭ بيلەتتە كورسەتىلگەن ءاتى-جونى مەن كۋالىگىندەگى جازباسى تەكسەرىلەدى.
بۇدان بىلاي قازاقستاندىقتار اۆتوبۋسپەن قاتىناۋ ءۇشىن ەلەكتروندى بيلەت الۋعا ءتيىس، دەپ حابارلايدى Almaty-akshamy.kz
يندۋستريا جانە ينفراقۇرىلىمدى دامۋ مينيسترلىگى جولاۋشىلار مەن جۇكتى تاسىمالداۋ ەرەجەسىنە وسىنداي وزگەرىس ەنگىزدى. 4 قازاندا بۇيرىقتا كورسەتىلگەندەي، جولاۋشى اۆتوبۋسقا مىنەردە ساتىپ العان ەلەكتروندى بيلەتىن نەمەسە جەكە كۋالىگىن كورسەتە الادى. ايتا كەتەرلىگى، كۋالىكتىڭ ءتۇپ-نۇسقاسىنان بولەك، سيفرلىق قۇجاتتار سەرۆيسىندەگى ەلەكتروندى نۇسقاسى جارامدى سانالادى. حالىقارالىق جانە قالاارالىق باعىتتارداعى اۆتوبۋستىڭ جولاقىسى مەن جۇك اقىسىن بۇرىنعىداي اۆتوبەكەتتەر مەن جولاۋشىعا قىزمەت كورسەتەتىن ورىندار مەن اقپاراتتىق جۇيە ارقىلى قابىلدانادى.