الماتى قالاسى ءبىلىم باسقارماسىنىڭ اقپاراتىنا سايكەس، 2022 جىلدىڭ اقپان ايىنا دەيىن 50 ءبىلىم بەرۋ ۇيىمىنىڭ باسشىلىق قۇرامىنان 150 ادام قايتا دايارلاۋ باعدارلاماسىنان وتەدى.
الماتى اكىمدىگى ءبىلىم ساپاسىن ارتتىرۋ ماقساتىندا مەكتەپ ديرەكتورلارىن قايتا دايارلاۋ باعدارلاماسىن ىسكە قوستى، دەپ حابارلايدى Almaty-akshamy.kz.
الماتى قالاسىنىڭ اكىمدىگى «الماتى مەكتەبى» باعدارلاماسىن جۇزەگە اسىرۋ ارقىلى «باسقارۋ مەن كوشباسشىلىق: دامۋ مەكتەبى» باسقارۋ كوماندالارىن كاسىبي تۇرعىدان قايتا دايارلاۋ باعدارلاماسىن ىسكە قوسادى.
الماتى قالاسى اكىمىنىڭ ورىنباسارى ەرجان باباقۇماروۆ العاشقى دارىستەرگە قاتىسىپ، قالا مەكتەپتەرى ديرەكتورلارىنىڭ قۇزىرەتىن ارتتىرۋ جونىندەگى جۇمىس جوسپارلارىن قاراپ، ورتا ءبىلىم بەرۋدىڭ ەرەكشە ماڭىزى بار ادامي كاپيتالدى دامىتۋدىڭ ماڭىزدىلىعىن اتاپ ءوتتى.
باعدارلاما جاڭا مازمۇنعا يە، وعان قوسا ءبىلىم بەرۋ ساياساتىن جوبالاۋ مەن قالالىق ءبىلىم بەرۋ جۇيەسى مەنەدجەرلەرىنىڭ باسقارۋشىلىق ءبىلىمى مەن قۇزىرەتتىلىگىن جەتىلدىرۋگە باعىتتالعان.
«باعدارلاما جەتەكشى ءبىلىم بەرۋ ورتالىقتارىمەن بىرلەسىپ جوبالانعان. وقىتۋشىلار مەن الەمنىڭ جەتەكشى ماماندارىمەن ءوزارا ارەكەتتەسۋ، تاجىريبە الماسۋ جانە جاڭا ءبىلىم مەن داعدىلارعا يە بولۋ الماتى ءبىلىم بەرۋ ساپاسىن حالىقارالىق دەڭگەيگە كوتەرۋگە ايتارلىقتاي سەرپىن بەرەدى»، – دەدى قالالىق ءبىلىم باسقارماسىنىڭ باسشىسى ءلاززات جىلقىبايەۆا.
بۇل جوبانى EdCrunch Academy زاماناۋي ءبىلىم بەرۋدى دامىتۋ ينستيتۋتى «نزم» دببۇ-مەن بىرلەسىپ، ق ر ءبىلىم جانە عىلىم مينيسترلىگىنىڭ قولداۋىمەن جۇزەگە اسىرۋدا. باعدارلامانىڭ وقىتۋشىلارى ءبىلىم بەرۋ سالاسىنداعى جەتەكشى ساراپشىلار، سونىڭ ىشىندە ەىدۇ ساراپشىلارى بولىپ تابىلادى. وقىتۋ كەزىندە قاتىسۋشىلار تاجىريبەلى ساراپشىلاردان تيۋتورلىق قولداۋ الادى، جاڭا قۇزىرەتتەر بويىنشا مودۋلارالىق ونلاين-كۋرستارعا قول جەتكىزە الادى جانە شەتەلدە تاعىلىمدامادان ءوتۋ مۇمكىندىگىنە يە بولادى. باعدارلاما اياقتالعاننان كەيىن قاتىسۋشىلار ءبىتىرۋ جۇمىستارىن - الماتى قالاسى ءبىلىم باسقارماسى مەن «نزم» دببۇ ساراپشىلار قوعامداستىعى الدىندا وزدەرىنىڭ ءبىلىم بەرۋ ۇيىمدارىن دامىتۋ باعدارلاماسىن قورعايدى.