ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ باسپا ءسوز كونفەرەنسياسىندا سويلەگەن سوزىندە الماتى قالاسى اكىمىنىڭ ورىنباسارى ەرجان باباقۇماروۆ مەگاپوليستەگى كوۆيدتىك ستاسيونارلاردىڭ كۆي ءتورتىنشى تولقىنى جاعدايىندا جانە ول تومەندەگەننەن كەيىنگى جۇمىسى تۋرالى ايتىپ بەردى، دەپ حابارلايدى almaty-akshamy.kz
الماتىدا ءتورتىنشى تولقىن شارىقتاۋ شەگى كەزەڭىندە 10 مىڭعا جۋىق ينفەكسيالىق توسەك-ورىن دايىندالدى، ولاردىڭ 9 مىڭعا جۋىعى تارتىلدى، "دەلتا" تولقىنىنىڭ شارىقتاۋ شەگىندە ولاردىڭ جۇكتەمەسى 70%-عا دەيىن بولدى. اكىمدىك رەزەرۆىندە – 1 000 توسەك-ورىن.
بۇگىندە ينفەكسيالىق ستاسيونارلاردا 3 179 توسەك-ورىن بار، ونىڭ ىشىندە 41% قولدانىلۋدا (06.10-عا-1 342 پاسيەنت ينفەكسيالىق ستاسيونارلاردا تۇر). ولار جەكەنوۆا اتىنداعى قكيب، ونىڭ دەگدار كوشەسى، 10 فيليالى جانە "سايالى" شاعىن اۋدانىنداعى مودۋلدىك ستاسيونار، ناۋرىزباي اۋدانىنداعى فيليالى بار مبيب، دەگدار، 45 كوشەسىندەگى فتيزيوپۋلمونولوگيا ورتالىعىنىڭ گونچارنايا كوشەسىندەگى فيليالى، №1 قكب، گۋمانيتارلىق-پەداگوگيكالىق كوللەدج جاتاقحاناسىنىڭ عيماراتىندا ورنالاسقان №4 قكب 300 توسەك-ورىندىق فيليالى.
«كۆي-دىڭ شارىقتاۋ شەگىندە رەانيماسيالىق توسەك-ورىنداردى 730-عا دەيىن ارتتىردىق. وسى كەزەڭدە ولاردىڭ جۇكتەمەسى 70%-عا جەتتى. ينفەكسيالىق ستاسيونارلاردىڭ رەانيماسياسىنا تامىز ايىندا بارلىعى 2030 پاسيەنت كەلىپ ءتۇستى»، - دەپ اتاپ ءوتتى ەرجان باباقۇماروۆ.
الماتى اكىمىنىڭ ورىنباسارى مەگاپوليستىڭ رەانيماسيالىق بولىمشەلەرىندە باسقا قالالاردان كەلگەن پاسيەنتتەردىڭ سانى 33%-عا جەتكەنىن اتاپ ءوتتى.
2021 جىلعى 6 قازانداعى جاعداي بويىنشا الماتىدا ريتب-دا 310 توسەك ورىن جۇمىس ىستەيدى، ونىڭ ىشىندە 54%-ى قولدانىستا (ريتب-دا 172 پاسيەنت). اۋرۋ جۇقتىرعاندار سانىنىڭ وسۋىنە جانە ستاسيونارلارداعى ناۋقاستار سانىنىڭ بىرتىندەپ ارتۋىنا، رەانيماسياداعى اۋىر ناۋقاستار سانىنىڭ كوبەيۋىنە بايلانىستى ءولىم-جىتىم كوبەيدى.
«ءقازىر ءبىز احۋالدىڭ تۇراقتانعانىن كورىپ وتىرمىز. قىركۇيەك ايىندا رەانيماسيالىق ناۋقاستار اراسىنداعى ءولىم-جىتىم تامىزعا قاراعاندا 18%-عا تومەندەدى. ءبىراق اۋىر ناۋقاستاردىڭ سانى ساقتالۋدا، بۇل پاسيەنتتەردىڭ ريتب-تە ۇزاق بولۋىنا بايلانىستى – 1 ايدان استام»، - دەدى ەرجان باباقۇماروۆ.
دەرتتىڭ شارىقتاۋ شەگىندە ءۇي ستاسيونارىندا 15 مىڭعا جۋىق ادام بولدى، بۇگىندە ولاردىڭ سانى – 3 500 پاسيەنت.
«پاندەمياعا قاراماستان، ءبىز 9 قالالىق جانە 39 جەكە ستاسيوناردى، سونداي-اق 13 رەسپۋبليكالىق ۇيىمدى پايدالانا وتىرىپ، تۇرعىندارعا تولىق كولەمدە جوسپارلى كومەك كورسەتۋگە تىرىستىق. ءقازىر كوپسالالى كلينيكالار بۇرىنعى جۇمىس رەجيمىنە قايتا ورالدى»، - دەپ اتاپ ءوتتى ەرجان باباقۇماروۆ.
الماتى اكىمىنىڭ ورىنباسارى سونداي-اق وتكەن جىلى قۇرىلعان دارى-دارمەكتەر مەن مەديسينالىق بۇيىمداردىڭ تۇراقتاندىرۋ قورىنىڭ ارقاسىندا 2022 جىلدىڭ مامىر ايىنا دەيىن ءونىمنىڭ 68 اتاۋىنان قاجەتتى قورلار قالىپتاسقانىن اتاپ ءوتتى.
«بۇگىندە قالاعا 58،8 ملن دانا دارى-دارمەك اكەلىندى، 43،5 ملن دانا ساتىلدى، 15،3 ملن دانا بار، ونىڭ ىشىندە تومەندەمەيتىن قالدىق 8 ملن دانا نەمەسە 40%-دى قۇرايدى»، - دەدى ەرجان باباقۇماروۆ.