ورتا مەديسينالىق قىزمەتكەرلەردى دايارلاۋ ءۇشىن الماتى اكىمدىگى كوللەدجدە وقۋ ءۇشىن 391 گرانتقا قارجى ءبولدى. بۇل تۋرالى ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا الماتى اكىمىنىڭ ورىنباسارى ەرجان باباقۇماروۆ ايتتى، دەپ حابارلايدى almaty-akshamy.kz
اعىمداعى جىلى الماتى قالاسىنىڭ اكىمى باقىتجان ساعىنتايەۆ مەديسينا كادرلارىنىڭ تاپشىلىعىن تومەندەتۋ بويىنشا جول كارتاسىن بەكىتتى. جول كارتاسىنىڭ ءىس-شارالارى اياسىندا وتە تاپشى دارىگەرلىك ماماندىقتار بويىنشا رەزيدەنتۋرادا وقۋ ءۇشىن 120 گرانتقا جەرگىلىكتى بيۋدجەتتەن قارجى ءبولىندى. رەزيدەنتتەردى وقىتۋ 1 قىركۇيەكتەن باستالدى.
«مەديسينا كادرلارىنىڭ تاپشىلىعى كوروناۆيرۋستىق ينفەكسيانى ەمدەۋگە ارنالعان جاڭا ستاسيونارلاردىڭ – 2 مودۋلدىك ستاسيونار جانە دەگدارداعى جەكەنوۆا اتىنداعى گكيب-نىڭ فيليالى 500 توسەككە 10، سونداي-اق "حالىق ارەنا" كەشەنىنىڭ جانە باسقالاردىڭ اشىلۋى اياسىندا تۋىندادى. كەيىن، كۆي 4ء-شى تولقىنى كەزىندە 2 جاتاقحانا، قوناق ءۇي جانە ت.ب. بازاسىندا ينفەكسيالىق توسەك-ورىندارى اشىلدى، ينفەكسيالىق ستاسيونارلارداعى جۇمىس ءۇشىن تولەمنىڭ ايىرماشىلىعىنا بايلانىستى مساك ۇيىمدارىنان ينفەكسيالىق ستاسيونارلارعا ۋاقىتشا جۇمىسقا مەديسينا كادرلارى اۋىستىرىلدى»، - دەدى الماتى اكىمىنىڭ ورىنباسارى ەرجان باباقۇماروۆ.
بۇگىندە تۇراقتانۋ قارقىنىنا سايكەس، كۆي-دى ەمدەۋگە تارتىلعان كوپ بەيىندى ستاسيونارلار بۇرىنعى جۇمىس ىرعاعىنا قايتا ورالدى. جوسپارلى ەمدەۋگە جاتقىزۋ جالعاسۋدا.
2021 جىلعى 1 قىركۇيەكتەگى جاعداي بويىنشا قالادا دارىگەرلەر تاپشىلىعى 215 بىرلىكتى، ورتا مەديسينالىق پەرسونال – 400-گە جۋىق شتاتتىق بىرلىكتى قۇرادى.
ورتا مەديسينالىق قىزمەتكەرلەردى دايارلاۋ ءۇشىن ولاردىڭ كوللەدجدە وقۋى ءۇشىن 391 گرانتقا قارجى ءبولىندى.
سونداي-اق كۆي-مەن كۇرەسكە تارتىلعان قىزمەتكەرلەردى ىنتالاندىرۋ بويىنشا ءىس-شارالار كوزدەلگەن، ماماندار ءۇشىن 10 پاتەر ءبولىندى، 300 جاس مامان "الماتى جاستارى 3.0" تۇرعىن ءۇي باعدارلاماسىنا قاتىسا الدى.