قالا اكىمى باقىتجان ساعىنتايەۆ مەگاپوليستەگى ەپيدەميولوگيالىق احۋالدىڭ دامۋى جانە جاعدايدى قيىنداتۋى مۇمكىن جاڭا "وميكرون" شتامىنىڭ تارالۋ ءقاۋپى تۋرالى ايتىپ بەردى. «الماتى» تا-داعى Akimat Live باعدارلاماسىنىڭ تىكەلەي ەفيرىندە اكىم قالا تۇرعىنداردى سانيتارلىق قاۋىپسىزدىك شارالارىن ساقتاۋعا شاقىردى، دەپ حابارلايدى اlmaty-akshamy.kz
سوڭعى 7 كۇندە كۆي دەرتى وتكەن اپتالارمەن سالىستىرعاندا 249 وقيعادان 223 جاعدايعا دەيىن تومەندەدى، تاۋلىگىنە 30-35 جاعداي تىركەلدى. ينفەكسيا جۇقتىرۋدىڭ ەپيدەميولوگيالىق كورسەتكىشتەرى 1 ناۋقاستان 1 ادامنان از جۇققانىن كورسەتەدى (بۇگىنگى كۇنگى R سانى 0،8).
ايتا كەتەرلىگى، جىل باسىنان بەرى قالادا 164 477 كۆي جانە 1 449 كوۆيدتى پنيەۆمونيا تىركەلگەن. جەلتوقسان ايىندا الماتىدا 1000-1300 كۆي جاعدايى بولجانۋدا، 22 جەلتوقساندا 884 جاعداي تىركەلدى.
سوڭعى اپتادا جاسى بويىنشا دەرت جۇقتىرعانداردىڭ ۇلەسى: 20-59 جاس – 55%، 60 جاس جانە ودان جوعارى – 25%، 14 جاسقا دەيىنگى بالالار - 15%، جاسوسپىرىمدەر 5%-دى قۇرادى. ونىڭ ىشىندە ءوزىن-وزى جۇمىسپەن قامتىعان جانە جۇمىس ىستەمەيتىن ازاماتتار – 31%، ۇيىم، ج ش س، جك قىزمەتكەرلەرى – 21%، زەينەتكەرلەر – 20%، وقۋشىلار – 11%، مەكتەپ جاسىنا دەيىنگى بالالار – 7%، ستۋدەنتتەر – 3%، باسقالار – 7%. الماتىلىقتار دەرتتى كوبىنەسە قوعامدىق كولىكتەردە (36%)، ساۋدا نىساندارىندا (34%) جانە وتباسىلاردا (25%) جۇقتىرادى.
بۇگىندە الماتىدا كۆي دەرتىنىڭ تومەندەۋى ۇجىمدىق يممۋنيتەتتىڭ 58%-ىنا (ۆاكسينالانعانداردىڭ 50%-ى جانە جىل باسىنان بەرى اۋىرىپ اۋىرعانداردىڭ 8%-ى) قولجەتكىزۋدىڭ ارقاسىندا مۇمكىن بولدى. سوندىقتان قالا اكىمى باقىتجان ساعىنتايەۆ الماتىلىقتاردى، ونىڭ ىشىندە جاسوسپىرىمدەر مەن تاۋەكەل توبىنداعى قالالىقتاردى بەلسەندى تۇردە ۆاكسينالانۋعا شاقىردى. العاشقى ەگۋدى العاندار دارىگەرلەر ۇسىنعان مەرزىمنەن كەيىن ريەۆاكسيناسيادان وتۋلەرى ءتيىس.
ايتا كەتەرلىگى، پاندەميانىڭ جاڭا تولقىنى الەمدە تارالۋىن جالعاستىرۋدا. «وميكرون» شتاممى الەمنىڭ 106 ەلىندە تىركەلگەن، ونىڭ ىشىندە ۇجىمدىق يممۋنيتەتتىڭ جوعارى دەڭگەيى بار – اقش، ۇلىبريتانيا، گەرمانيا جانە باسقالارىندا.
الماتىدا جاپپاي ۆاكسينالانۋ قاجەت، ويتكەنى قالالىق سانەپيدقىزمەتتىڭ تالداۋ توبى ماماندارىنىڭ بولجامى بويىنشا الماتىدا COVID-19 "وميكرون" شتامىنىڭ تىركەلۋى ابدەن مۇمكىن. ەپيدەميانىڭ كەزەكتى تولقىنى 2022 جىلعى قاڭتاردىڭ ورتاسىندا كۇتىلۋدە، ناۋرىز ايىنىڭ ورتاسىنا قاراي ءورشۋى ىقتيمال.
قالا اكىمى ەپيدەميولوگيالىق جاعدايى ناشار ەلدەردەن «وميكرون» ينفەكسياسىنىڭ قازاقستانعا اكەلىنۋىنىڭ الدىن الۋ ءۇشىن پروفيلاكتيكالىق جۇمىستاردىڭ كەڭىنەن جۇرگىزىلىپ جاتقانىن اتاپ ءوتتى. ماسەلەن، 3-20 جەلتوقسان ارالىعىندا الماتىعا شەتەلدەن 49،4 مىڭ جولاۋشىسى بار 344 رەيس قوندى. ونىڭ ىشىندە پتر انىقتامالارىمەن 29،7 مىڭ، ۆاكسينالاۋ پاسپورتىمەن 20 مىڭ، «وميكرون» شتامى تىركەلگەن ەلدەردەن 2،9 مىڭ جولاۋشى كەلدى. بارلىعى مەديسينالىق باقىلاۋعا الىنىپ، 7 كۇن بويى وقشاۋلاندى. كەيىننەن ولاردىڭ اراسىندا كۆي-مەن اۋىراتىن 5 ناۋقاس انىقتالدى، ولاردىڭ بارلىعى ينفەكسيالىق ستاسيوناردا وقشاۋلاندى