الماتىنىڭ وڭىرلىك كوممۋنيكاسيالار قىزمەتىنىڭ بريفينگىنە «ۇلتتىق ۆولونتەرلىك جەلى» وكىلدەرى قاتىستى، ولار ۆولونتەرلەردىڭ ەلىمىزدىڭ جانە مەگاپوليستىڭ ءيميدجىن ارتتىرۋعا قالاي كومەك كورسەتىپ جاتقانىن ايتىپ ءوتتى، دەپ حابارلايدى Almaty-akshamy.kz.
مىسالى، «ازيا داۋىسى» فەستيۆالىن وتكىزۋ بارىسىندا ەرىكتىلەر شەتەلدىك تۋريستەرگە مەدەۋدە وزدەرىن جايلى سەزىنۋگە كومەكتەستى. سونداي-اق، سپيكەرلەر ۆولونتەرلىكتى قولداۋ شارالارى مەن قولدانىستاعى جوبالار تۋرالى اقپاراتپەن ءبولىستى.
ەستەرىڭىزگە سالا كەتەيىك، الماتىدا 30-دان استام ەرىكتىلەر ۇيىمدارى مەن توپتارى جۇمىس ىستەيدى، ولاردىڭ قۇرامىندا 50 مىڭنان استام ەرىكتى بار.
تاتيانا الماتىلىق ەرىكتىلەر وسى جىلدىڭ مامىر ايىندا وتكەن حالىقارالىق ەرىكتىلەر فورۋمىن ۇيىمداستىرۋعا بەلسەنە قاتىسقانىن اتاپ ءوتتى.
تاعى ءبىر سپيكەر، جاستاردى الەۋمەتتەندىرۋ جانە جاستار باستامالارىن قولداۋ ءبولىمى باسشىسىنىڭ مىندەتىن اتقارۋشى نۇرسۇلتان بەكقايىروۆ الماتى جاستارى ەرىكتىلەر ۇيىمدارىنىڭ قىزمەتىنە بەلسەندى قاتىساتىنىن اتاپ ءوتتى. ول ۆولونتەرلەردىڭ قازىرگى فرونت - كەڭسەسى تۋرالى ايتىپ بەردى، سونىڭ ارقاسىندا بىرنەشە جوبالار باستالدى.
ولاردىڭ ىشىندەگى ەڭ ءىرىسى – «تىلدەر ساياباعى»، ونىڭ اياسىندا قالانىڭ 8 اۋدانىندا قازاق جانە شەت تىلدەرىن وقىتۋ بويىنشا تەگىن ساباقتار وتكىزىلەدى. وقىتۋ تازا اۋادا، قالانىڭ ساياباقتارى مەن سكۆەرلەرىنىڭ اۋماعىندا بەيرەسمي جاعدايدا وتەدى.
جالپى، جىل باسىنان بەرى الماتىلىق ەرىكتىلەر 450-دەن استام ءىس-شاراعا قاتىستى. ايتا كەتەيىك، قالا ەرىكتىلەرى اباي وبلىسىندا زارداپ شەككەندەرگە 50 تونناعا جۋىق گۋمانيتارلىق كومەك جينادى.
سپيكەردىڭ ايتۋىنشا، الماتىنىڭ ۆولونتەرلىك قوزعالىسىندا ەرىكتىلەردى ىنتالاندىرۋدان تۇراتىن جاقسى ءداستۇر قالىپتاسقان.
ەرىكتىلەر قاتارىنا قوسىلعىسى كەلەتىندەر بولسا،بايتۇرسىنوۆ كوشەسى، 22، 1-كورپۋس مەكەنجايىنداعى فرونت-كەڭسەگە بارۋ قاجەت. نەمەسە قاجەتتى اقپاراتتى qazvolunteer.kz سايتىنان جانە ۆولونتەرلىك بىرلەستىكتىڭ الەۋمەتتىك جەلىلەرى ارقىلى تابۋعا بولادى.