الماتىدا الاياقتاردى ەرىكتىلەردەن قالاي اجىراتۋعا بولاتىندىعى ايتىلدى، دەپ حابارلايدى Almaty-akshamy.kz
بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە «ۇلتتىق ەرىكتىلەر جەلىسى» زتب اتقارۋشى ديرەكتورى تاتيانا ميرونيۋك مالىمدەدى.
بريفينگتە جۋرناليستەر جاشىكتەرى بار جاستار اۆتوبۋستار مەن قالا كوشەلەرىندە اۋرۋ بالالاردى ەمدەۋ ءۇشىن قايىرىمدىلىق جينايتىنىن مىسالعا كەلتىرە وتىرىپ، ناعىز ەرىكتىلەردى الاياقتاردان قالاي اجىراتۋعا بولاتىندىعى تۋرالى سۇراق قويدى.
سپيكەر بۇل ماسەلەنىڭ وزەكتى ەكەنىن اتاپ ءوتتى.
«كوبىنە مۇنداي ادامدار قازاقستان رەسپۋبليكاسى زاڭناماسىنىڭ ءۇش بابىن بۇزادى.بىرىنشىدەن، ولار نەگىزىنەن جاسوسپىرىمدەردى جالدايدى. مۇندا كەلىسىمشارتتىڭ دۇرىستىعىن قاراۋ كەرەك. ەكىنشى ماسەلە-كوشەدەگى ادامداردىڭمازاسىن الۋ. ماعان ولاردى ەرىكتىلەر دەپ ايتۋ قيىن. اقشانى سىيعا تارتقان ادامدار قايدا بەرىلەتىنىن بىلمەيتىنىن تۇسىنۋكەرەك»، - دەپ اتاپ ءوتتى تاتيانا ميرونيۋك.
ول ءبىزدىڭ ەلىمىزدە «ەرىكتىلىك» جانە «قايىرىمدىلىق قىزمەتى» تۋرالى زاڭدار بار ەكەنىن ەسكە سالدى. ولاردىڭ ەكىنشىسىندە ەرىكتىلەردىڭ كىم ەكەندىگى جانە قايىرىمدىلىق دەگەن نە ەكەندىگى تۋرالى تۇسىنىك بار. بۇل تولەمدەردىڭ بارلىعىنا كوپشىلىك الدىندا ەسەپ بەرىلۋى كەرەك.
«ەگەر ءسىزت قايىرىمدىلىققا دەپ بەرگەن اقشاڭىزدىڭ قايدا كەتەتىنىن بىلمەي، قاداعالاي الماساڭىز، مۇندايدا جاريالىلىق پەن اشىقتىق بولمايدى. ەگەر ەشقانداي ەسەپ بەرۋ بولماسا جانە جاريالانباسا، مەنىڭ كەڭەسىم-وز قاراجاتىمدى بەرمەۋ»، - دەدى سپيكەر.