جول جابىنى جاعدايىن زەرتتەۋ قورىتىندىلارىنا سايكەس بيىلعى جوسپارعا شالياپين كوشەسىنىڭ بەرەگوۆوي كوشەسىنەن ءاشىموۆ كوشەسىنە دەيىنگى ۇزىندىعى 4 شاقىرىم بولىگىن قوسۋ تۋرالى شەشىم قابىلدانعان بولاتىن. ءاشىموۆ كوشەسىنەن ياسساۋي كوشەسىنە دەيىنگى جوندەۋ جۇمىستارى اياقتالدى جانە كولىك قوزعالىسى تولىعىمەن اشىلدى، دەپ حابارلايدى Almaty-akshamy.kz.
5 قىركۇيەك ساع.23:00-دەن 6 قىركۇيەك 06:00-گە دەيىن ورتاشا جوندەۋ جۇمىستارىنىڭ جۇرگىزىلۋىنە بايلانىستى شالياپين كوشەسىنىڭ وڭتۇستىك بەتىندە سايىن كوشەسىنەن مومىش ۇلى كوشەسىنە دەيىنگى بولىگىندە كولىك قوزعالىسى ءىشىنارا ۋاقىتشا شەكتەلەدى.
جول جوندەۋ جۇمىستارى جايلى سوڭعى جاڭالىقتار قالا اكىمدىگى مەن قالالىق موبيلدىلىك باسقارماسىنىڭ رەسمي پاراقشالارىندا، Almaty_Joly (https://t.me/AlmatyJoly) تەلەگرام ارناسىندا، سونىمەن قاتار، 2گيس جانە ياندەكس كارتا قوسىمشالارىندا قولجەتىمدى.
جول جوندەۋ جۇمىستارى 2023 جىلعا جوسپارلانعان جۇمىستار اياسىندا جۇرگىزىلىپ وتىر. ۋاقىتشا قولايسىزدىقتار ءۇشىن كەشىرىم وتىنەمىز. بۇل قالا جولدارى ۇزاعىراق پايدالانۋعا قاجەتتى شارا.
مارشرۋتتى الدىن الا جوسپارلاپ الىڭىزدار.
