ەرەكشە ەڭبەگى ءۇشىن قوسىمشا اقى الاتىن دارىگەرلەر كوبەيدى

بۇيرىق 2022 جىلعى 20 قاراشادان باستاپ كۇشىنە ەنەدى.

دەنساۋلىق ساقتاۋ ءمينيسترىنىڭ 2022 جىلعى 4 قاراشاداعى بۇيرىعىمەن ەڭبەك جاعدايلارى ءۇشىن قوسىمشا اقى تولەنەتىن قىزمەتكەرلەر مەن ۇيىمداردىڭ تىزبەسىنە وزگەرىستەر ەنگىزىلدى، دەپ حابارلايدى Almaty-akshamy.kz

اتاپ ايتقاندا، تىزىمگە «ينتەنسيۆتى باقىلاۋداعى مامانداندىرىلعان ۇلگىدەگى رەسپۋبليكالىق پسيحياتريالىق اۋرۋحانا» مەملەكەتتىك مەكەمەسى قوسىلدى.

سىياقى ەسى دۇرىس ەمەس جاعدايدا قوعامعا ءقاۋىپتى ىس-ارەكەتتەر جاساعان نەمەسە قىلمىس جاساعاننان كەيىن پسيحيكاسى بۇزىلعان ادامداردى ماجبۇرلەپ ەمدەۋگە ارنالعان مامانداندىرىلعان پسيحياتريالىق ستاسيوناردا جۇمىس ىستەگەنى ءۇشىن لاۋازىمى مەن ماماندىعىنا قاراماستان اۋرۋحانانىڭ بارلىق قىزمەتكەرلەرىنە قوسىمشا قارجى تولەنەدى.

سونداي-اق قىزمەتكەرلەر مىناداي بونۋستار الادى:

ۇلى وتان سوعىسى ارداگەرلەرىنە جانە ۇلى وتان سوعىسى ارداگەرلەرىنە جەڭىلدىكتەر بويىنشا تەڭەستىرىلگەن ارداگەرلەرگە ارنالعان گوسپيتالدار، باسقا گوسپيتالدار قۇرامىنداعى ارنايى بولىمدەر مەن بولىمشەلەر؛

كۇيىك بولىمدەرى؛

بالالاردى وڭالتۋ ورتالىقتارى؛

جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان بالالار ۇيلەرى، بالالار ۇيلەرى مەن ينتەرناتتار؛

قىلمىستىق-اتقارۋ جۇيەسى مەكەمەلەرى، تەرگەۋ يزولياتورلارى، ۋاقىتشا ۇستاۋ يزولياتورلارى، اۋرۋحانالار؛

تىكەلەي شۇعىل مەديسينالىق كومەك كورسەتۋ جانە اۆاريالىق-قۇتقارۋ جۇمىستارىن جۇرگىزۋ ءۇشىن ۇيىمداستىرىلعان ارنايى ماقساتتاعى مەديسينالىق بريگادالار؛

مەديسينالىق پۋنكتتەر، فەلدشەرلىك-اكۋشەرلىك پۋنكتتەر، دارىگەرلىك امبۋلاتوريالار، وبلىستىق، قالالىق، اۋداندىق، ەمحانالار، باسقا دا ءبىرقاتار مەكەمەلەر.