نەگىزگى ينۆەستيسيانىڭ 72%ء-ى بيۋدجەت قاراجاتى ەسەبىنەن بولعان.
وسى جىلدىڭ باسىنان قىركۇيەككە دەيىن ءبىلىم سالاسىنا 219،1 ميلليارد تەڭگە ينۆەستيسيا تارتىلدى، دەپ حابارلايدى Almaty-akshamy.kz Finprom.kz-كە سىلتەمە جاساپ.
بۇل ءبىر جىل بۇرىنعىدان 49،2%-كە ارتىق. وڭىرلەر اراسىندا ەڭ كوپ ينۆەستيسياعا الماتىعا قۇيىلدى: 61،7 ميلليارد تەڭگە، ءبىر جىلداعى ءوسىم – 2،3 ەسە. ودان كەيىن تۇركىستان وبلىسى (33،9 ميلليارد تەڭگە، 67،8%-كە ارتىق) جانە شىمكەنت قالاسى (22،3 ميلليارد تەڭگە، 20،3%-كە ارتىق) تۇر. ۇزدىك ۇشتىككە ەنگەن وڭىرلەرگە سالىنعان ينۆەستيسيانىڭ جالپى كولەمى 53،8%ء-تى قۇرادى.
بۇل رەيتينگتە ۇلىتاۋ، قاراعاندى جانە اقتوبە وبلىستارى تومەنگى ساتىدا تۇر.
ءبىلىم سالاسىنا قۇيىلعان نەگىزگى ينۆەستيسيانىڭ ۇشتەن ەكىسىنە جۋىعى جەرگىلىكتى بيۋدجەت ەسەبىنەن قامتاماسىز ەتىلدى: 136،5 ميلليارد تەڭگە – ءبىر جىل بۇرىنعىدان 64،9%-كە ارتىق.
مەكەمەلەردىڭ ءوز قاراجاتى ەسەبىنەن قۇيىلعان ينۆەستيسيا 51،6 ميلليارد تەڭگە (+38،2%)، رەسپۋبليكالىق بيۋدجەتتەن – 21،8 ميلليارد تەڭگە (+22،3%)، بانك كرەديتتەرى – 6،5 ميلليارد تەڭگە (+25،8%)، بانكتىك ەمەس قارىزدار – 2،8 ميلليارد تەڭگەنى (- 27،6%) قۇرادى.