بۇل تۋرالى جوعارى پالاتانىڭ ءتوراعاسى ماۋلەن اشىمبايەۆ ايتتى.
سەناتورلار ەڭبەك قاۋىپسىزدىگىنە قاتىستى تالاپتاردى كۇشەيتۋ بويىنشا زاڭ جوباسىن ازىرلەدى، دەپ حابارلايدى Almaty-akshamy.kz
سەناتتىڭ بۇگىنگى وتىرىسىندا سپيكەر قاراعاندى وبلىسىندا بولعان سوڭعى اپاتتى ەسكە الدى. وسى ماسەلە بويىنشا پرەزيدەنت ءتيىستى تاپسىرما بەرگەن بولاتىن. ونىڭ ايتۋىنشا، بيىل ماۋسىم ايىندا ءبىر توپ سەناتور ەڭبەك قاۋىپسىزدىگىن كۇشەيتۋ بويىنشا زاڭ جوباسىن ازىرلەدى. سونىڭ ىشىندە ينسپەكتورلاردىڭ قۇزىرەتىن ارتتىرۋ ماسەلەسى دە بار. ولار جوسپاردان تىس تەكسەرىسكە شىعا الادى.
«ءقازىر قوسىمشا ۇسىنىستار دايىندالىپ جاتىر. وسى ورايدا سەناتورلاردىڭ تۇزەتۋىن دە ەسكەرۋدى سۇرايمىز. ءبارىن پىسىقتاپ، ءتيىستى نورمالاردى قابىلداۋىمىز قاجەت. ونداي اپاتتار مەن تراگەديالار قايتالانباۋى كەرەك»، - دەدى اشىمبايەۆ بۇگىنگى وتىرىستا.