«جوعارى وقۋ ورنىنىڭ ۇزدىك وقىتۋشىسى-2023» بايقاۋىنىڭ جەڭىمپازدارىنىڭ ەسىمدەرى بەلگىلى بولدى.
رەسپۋبليكالىق كونكۋرستىق كوميسسيا وقىتۋشىلار اراسىنان ۇزدىكتەردى تاڭدادى. 43 قازاقستاندىق جوو-نىڭ 150 وقىتۋشىسى جەڭىمپاز اتاندى. ولاردىڭ ءارقايسىسى 2000 اەك كولەمىندە سىياقى الادى، دەپ حابارلايدى Almaty-akshamy.kz.
عىلىم جانە جوعارى ءبىلىم مينيسترلىگىنىڭ مالىمەتىنشە، اقشالاي ىنتالاندىرۋدان باسقا، «جوعارى وقۋ ورنىنىڭ ۇزدىك وقىتۋشىسى» بايقاۋىنىڭ جەڭىمپازدارى توسبەلگىگە يە بولادى.
كونكۋرس جىل سايىن وقىتۋشى ماماندىعىنىڭ بەدەلىن ارتتىرۋ جانە ولاردى ودان ءارى كاسىبي دامۋعا ىنتالاندىرۋ ماقساتىندا وتكىزىلەدى.
بايقاۋعا ەلىمىزدىڭ 80 جوعارى وقۋ ورنىنان بارلىعى 768 ۇمىتكەر قاتىستى. كونكۋرستا ەلەكتروندىق وقۋ رەسۋرستارىن، ماتەريالداردى ازىرلەۋ جانە جاريالاۋ، وتاندىق جانە حالىقارالىق جۋرنالداردا عىلىمي جاريالانىمدار، ونەرتابىسقا پاتەنتتەردىڭ بولۋى جانە ت. ب. كورسەتكىشتەر باعالاندى. سونداي-اق ۇمىتكەردى وقىتۋ ساپاسى، ونىڭ باكالاۆريات، ماگيستراتۋرا جانە دوكتورانتۋرادا كادرلار دايارلاۋ جونىندەگى جۇمىسى باعالاندى.
ايتا كەتەيىك، بايقاۋ ق ر عجبم اقپاراتتىق جۇيەسى بازاسىندا ءوتتى، ول ارقىلى قاتىسۋشىلار بارلىق كەزەڭدەردىڭ اشىقتىعىن بايقاي الدى. «جوو-نىڭ ۇزدىك وقىتۋشىسى – 2023» كونكۋرسىنا قاتىسۋ ءۇشىن وتىنىمدەر مەن قۇجاتتار ەلەكتروندىق فورماتتا قابىلداندى. بۇل بايقاۋدى وتكىزۋدىڭ اشىقتىعىن قامتاماسىز ەتتى.
كوميسسيا قۇرامىنا ۇەۇ، جوعارى وقۋ ورىندارى قاۋىمداستىعىنىڭ وكىلدەرى جانە ءبىلىم بەرۋ سالاسىنداعى ساراپشىلار ەنگىزىلدى.
جەڭىمپازدار تىزىمىمەن ق ر عىلىم جانە جوعارى ءبىلىم مينيسترلىگىنىڭ رەسمي سايتىندا تانىسۋعا بولادى.