كوكتەمنىڭ باستالۋىمەن الماتىنىڭ بارلىق اۋداندارىندا قالپىنا كەلتىرۋ جۇمىستارى باستالدى – جولداردىڭ شۇڭقىرلارىن جوندەۋ، ورىندىقتاردى، قورشاۋلاردى، قوقىس جاشىكتەرىن، ايالدامالاردى جانە باسقا دا وبەكتىلەردى سىرلاۋ جۇمىستارى جۇرگىزىلۋدە. اۋدانداردا قوقىس جيناۋ سەنبىلىكتەرى دە وتەدى، دەپ حابارلايدى almaty-akshamy.kz
الاتاۋ اۋدانىندا رايىمبەك داڭعىلىندا جانە ساين، رىسقۇلوۆ، مومىش ۇلى، كۋدرين، ەمسوۆ جانە باسقا دا كوشەلەردە شۇڭقىرلاردى جوندەۋ جۇمىستارى باستالدى. جۇمىستارعا 3 بريگادا، 9 بىرلىك تەحنيكا جانە 15 جۇمىسشى جۇمىلدىرىلدى. اۋداندا سايالى سكۆەرىندە، موڭكە بي، احانوۆ كوشەلەرىندە، سونداي-اق "زەردەلى"، "قاراسۋ"، "العاباس"، "وجەت" جانە باسقا دا شاعىناۋدانداردا سەنبىلىكتەر ءوتتى. جاقىن ارادا 1200 ۋرنا، 1200 ورىندىق جانە 300 مەتر قورشاۋ سىرلاۋ جوسپارلانعان.
المالى اۋدانىندا اباي، جامبىل، ماناس جانە گوگول كوشەلەرىندە باستالعان شۇڭقىرداردى جوندەۋ جۇمىستارىنا 2 بريگادا، 7 بىرلىك تەحنيكا جۇمىلدىرىلدى. اۋداندا 1057 ۋرنا مەن 958 ورىندىقتى بوياۋ جوسپارلانۋدا. سىرلاۋ جۇمىستارىنا 30 ادام، 5 بىرلىك تەحنيكا جۇمىلدىرىلدى. اۋداندا 5 جەرگىلىكتى سەنبىلىك ءوتتى: سايران كولىنىڭ شىعىس جاعالاۋىندا (اباي داڭعىلىنان تولە بي كوشەسىنە دەيىن)، ۇلكەن الماتى وزەنىنىڭ شىعىس جاعالاۋىندا (تولە بي كوشەسىنەن رايىمبەك داڭعىلىنا دەيىن)، برۋسيلوۆسكيي جانە پروكوفيەۆ كوشەلەرىندە، سونداي-اق نازاربايەۆ-اباي-رايىمبەك داڭعىلدارىنىڭ كۆادراتىندا جانە سايران كولىنىڭ شىعىس جاعالاۋى. سەنبىلىكتەرگە 1650 ادام، 119 بىرلىك تەحنيكا جۇمىلدىرىلىپ، 1808 تەكشە مەتر قوقىس شىعارىلدى.
اۋەزوۆ اۋدانىندا جاندوسوۆ، الماتى، شالياپين، سۇلەيمەنوۆ، اسقاروۆ كوشەلەرى، اباي داڭعىلى (ساين جانە مومىش ۇلى كوشەلەرىنىڭ اراسىندا)، سونداي-اق "مامىر-3" شاعىناۋدانىنىڭ وتپەلى جولدارىنىڭ شۇڭقىرلارى جوندەلدى. بۇل جۇمىستارعا 2 بريگادا، 8 بىرلىك تەحنيكا جۇمىلدىرىلدى. اۋداندا 1800 ۋرنا، 1700 ورىندىق، 169 ايالداما، 300 مەتر قورشاۋ، 600 شاعىن ساۋلەت پىشىندەرى 200 كابەل قورابى، سونداي-اق 5 جەر ءۇستى جانە 4 جەراستى وتكەلدەرىن سىرلاۋ جوسپارلانۋدا. بۇل پروسەسكە 60 قىزمەتكەر، 12 تەحنيكا جۇمىلدىرىلعان.
اۋداندا 15 جەرگىلىكتى سەنبىلىك ءوتتى: سايران كولىنىڭ باتىس جاعالاۋىندا، ۇلكەن الماتى وزەنىنىڭ باتىس جاعالاۋىندا (جاندوسوۆ كوشەسىنەن جوعارى)، سونداي-اق سيمفەروپول، ناۋاي، كارسكوي كوشەلەرىندە، "اقساي-1ا"، "دوستىق"، "جەتىسۋ-3"، "تاۋگۇل" شاعىن اۋداندارىندا، سونداي-اق 3ء-شى جانە 4ء-شى شاعىناۋدانداردا. بارلىعى 437 ادام، 40 بىرلىك تەحنيكا قاتىسىپ، 200 توننادان استام قوقىس شىعارىلدى.
بوستاندىق اۋدانىندا جەلتوقسان، ناۋرىزباي باتىر، تيميريازيەۆ، جاروكوۆ، بايتۇرسىنوۆ، جاندوسوۆ، يسينالييەۆ، ۇشكەمپىروۆ جانە باسقا دا كوشەلەردەگى جول-اسفالت توسەمدەرىن اعىمداعى جوندەۋ جۇمىستارى جۇرگىزىلۋدە. سونداي-اق، ءال-فارابي، نازاربايەۆ جانە اباي داڭعىلدارىندا شۇڭقىرلاردى جوندەۋ جۇمىستارى جۇرگىزىلۋدە. 3 331 ورىندىقتى، 4 643 ۋرنانى، سونداي-اق اۋدان اۋماعىندا ورنالاسقان ءبولۋ قورشاۋلارىن سىرلاۋ جۇمىستارى جوسپارلانۋدا.
اۋداننىڭ مەردىگەرلىك ۇيىمدارى تۇرعىندارمەن بىرلەسىپ، وزەندەردىڭ، كانالداردىڭ جاعالاۋلارىندا، سونداي – اق يەسىز اۋماقتاردا 7 جەرگىلىكتى سەنبىلىكتى ۇيىمداستىرۋ بويىنشا جۇمىستار جۇرگىزدى. بارلىعى 315 ادام، 50-گە جۋىق ارنايى تەحنيكا جۇمىلدىرىلدى، 175 تەكشە مەتر قوقىس، لاي، قۇم، بۇتاقتار، قۇرىلىس قوقىستارى جانە ت. ب. شىعارىلدى.
جەتىسۋ اۋدانىندا شۇڭقىرلاردى جوندەۋ، سونداي-اق ورىندىقتار مەن ۋرنالاردى سىرلاۋ ءساۋىر ايىنىڭ سوڭىنا دەيىن جۇرگىزىلەدى. كوكتەمگى ماۋسىمنىڭ باسىنان بەرى اۋداندا سەنبىلىكتەر 8 ءتۇرلى جەردە ءوتتى. بارلىعى 211 ادام، 29 بىرلىك تەحنيكا قاتىسىپ، 84 تەكشە مەتر قوقىس شىعارىلدى.
مەدەۋ اۋدانىندا دوستىق جانە نازاربايەۆ داڭعىلدارىندا، سونداي-اق ساتبايەۆ، وماروۆ، كەرەي جانىبەك حاندار، قازىبەك بي، قالداياقوۆ، بوگەنباي باتىر، تولە بي كوشەلەرىندە جولداردىڭ شۇڭقىرلارىن جوندەۋ جۇرگىزىلدى. اۋدان اۋماعىندا سىرلاۋ جۇمىستارى ءالى جۇرگىزىلگەن جوق. 1679 ورىندىق، 1694 ۋرنا سىرلاۋ جوسپارلانعان. بۇعان 45 قىزمەتكەر مەن 5 تەحنيكا جۇمىلدىرىلادى. سەنبىلىكتەر تەررەنكۋر دەمالىس ايماعىندا، ۇاك بويىندا (بۇقتىرما كوشەسى)، شۋحوۆ سكۆەرىندە، ەسەنتاي وزەنىنىڭ جاعاسىندا جانە "تەمىرجولشى" باۋ-باقشا سەرىكتەستىگىندە ءوتتى.
ناۋرىزباي اۋدانىندا قونايەۆ، سابدەنوۆ، ءاشىموۆ، ءابدىلدين كوشەلەرىنىڭ شۇڭقىرلارى جوندەلدى. اعىمداعى جىلدىڭ 30 ساۋىرىنە دەيىن 27 كوشەدە جوندەۋ جۇمىستارى جوسپارلانعان. مەردىگەر ۇيىمداردىڭ كۇشىمەن ءساۋىر ايىنىڭ ورتاسىنا دەيىن ورىندىقتاردى، ۋرنالاردى، قورشاۋلاردى، شاعىن ساۋلەت پىشىندەرىن سىرلاۋ جۇمىستارى جوسپارلانعان. بارلىعى 625 ۋرنا، 519 ورىندىق، 139 ايالداما كەشەنىن سىرلاۋ جوسپارلانۋدا.
اۋداندا رايىمبەك، الاتاۋ داڭعىلىندا، اباي ساياجايلارىندا، سونداي-اق بەلجايلاۋ، كارەرا، ءجۇنىسوۆ، ايمانوۆ جانە باسقا دا كوشەلەردە 5 جەرگىلىكتى سەنبىلىك ءوتتى. 1200 ادام، 125 بىرلىك ارنايى تەحنيكا، 1800 تەكشە قوقىس شىعارىلدى.
تۇركسىب اۋدانىندا مايلين، بۇقتىرما، لاۆرەنيەۆ، بەكماحانوۆ، شەمياكين جانە ت.ب. كوشەلەرىندەگى جول جابىنىن قالپىنا كەلتىرۋ جۇمىستارى باستالدى. الاڭى 800 شارشى مەتردەن اسادى. جۇمىستارعا 2 بريگادا، 8 بىرلىك تەحنيكا جۇمىلدىرىلدى. اۋداندا 470 ۋرنا، 60 ورىندىق، 300 مەتر قورشاۋ، سونداي-اق 4 جەر ءۇستى جانە 3 جەراستى وتكەلدەرىن سىرلاۋ جۇمىستارى باستالدى.
قازىرگى كەزدە كوكتەمگى قالپىنا كەلتىرۋ-جوندەۋ جۇمىستارى قالانىڭ بارلىق اۋداندارىندا جۇرۋدە، سونىڭ ىشىندە قىسقى كەزەڭنەن كەيىن قالانى اباتتاندىرۋ جانە تازالاۋ جۇمىستارى ودان ءارى جالعاسۋدا.