الماتى اكىمى ەربولات دوسايەۆ جۇمىس ساپارى اياسىندا الماتى قۇرىلىس جانە حالىق كاسىپشىلىگى كوللەدجىندە بولىپ، ونىڭ مىسالىندا جاستارعا تەحنيكالىق جانە كاسىپتىك ءبىلىم بەرۋ (تجكب) بەرۋ ساپاسىمەن تانىستى، دەپ حابارلايدى Almaty-akshamy.kz
قالا باسشىسى كوللەدجدىڭ وقۋ اۋديتوريالارىن ارالاپ، ماتەريالدىق-تەحنيكالىق بازامەن تانىستى. «جاس مامان» باعدارلاماسى اياسىندا مەكەمەنى زاماناۋي جابدىقتارمەن جاراقتاندىرۋ ءۇشىن رەسپۋبليكالىق بيۋدجەتتەن 170 ملن تەڭگە ءبولىندى. جوبانى ىسكە اسىرۋ كادرلاردى دايارلاۋدىڭ جاڭا باعىتتارىن اشۋعا مۇمكىندىك بەردى: ديزاين، ساۋلەت، جيھاز ءوندىرىسى، ەلەكترمەن جابدىقتاۋ. قالا باسشىسىنا ءبىلىم بەرۋ ۇدەرىسىنە WorldSkills قوزعالىسىنىڭ ستاندارتتارى بەلسەندى ەنگىزىلىپ جاتقانى باياندالدى. شەبەرلەر مەن وقىتۋشىلار وقىتۋ داعدىلارىن جەتىلدىرۋ ءۇشىن گەرمانياعا، تۇركياعا، مالايزياعا جانە ت. ب. شەتەلدىك تاعىلىمداماعا جىبەرىلەدى.
«الماتى قۇرىلىس جانە حالىق كاسىپشىلىگى كوللەدجى» كمقك ديرەكتورى كامال جامانگوزوۆ ءبىرىڭعاي وقۋ ورتاسىن قۇرۋ ماقساتىندا الەۋمەتتىك ارىپتەستەرمەن بايلانىستى كەڭەيتۋ بويىنشا جۇرگىزىلىپ جاتقان جۇمىستار تۋرالى ايتىپ بەردى. اعىمداعى جىلدىڭ 30 قاراشاسىندا كوللەدج بازاسىندا رەسەي فەدەراسياسىنىڭ «تەحنونيكول» قۇرىلىس اكادەمياسىنىڭ قولداۋىمەن ساۋلەت جانە قۇرىلىس سالاسىنداعى حالىقارالىق قۇزىرەتتەر ورتالىعىن اشۋ جوسپارلانۋدا. باستى مىندەت – ستۋدەنتتەرگە ساپالى مونتاجداۋ جۇمىستارىن جۇرگىزۋ ءۇشىن يننوۆاسيالىق تەحنولوگيالاردى قولدانۋ داعدىلارىن ۇيرەتۋ، سونداي-اق شاتىرلاردا، قاسبەتتەردە جانە ىرگەتاستاردا زاماناۋي جانە ەنەرگيا ءتيىمدى ماتەريالدارمەن جانە جۇيەلەرمەن جۇمىستى يگەرۋ. ءبىلىم بەرۋدەگى ىنتىماقتاستىقتىڭ مۇنداي تۇرلەرى كوللەدج ماماندارىنىڭ بىلىكتىلىگىن ارتتىرۋعا مۇمكىندىك بەرەدى. سونىمەن قاتار، «تەحنونيكول» كومپانياسىمەن ىنتىماقتاستىق اياسىندا كوللەدجگە 120 ملن تەڭگە ينۆەستيسيا تارتىلدى.
ءوز كەزەگىندە قالالىق ءبىلىم باسقارماسىنىڭ باسشىسى ءلاززات جىلقىبايەۆا قالا اكىمىنە الماتىدا تجكب ۇيىمدارىندا كادرلار دايارلاۋ 99 ماماندىق جانە 165 بىلىكتىلىك بويىنشا جۇزەگە اسىرىلاتىنىن باياندادى. 2023-2024 وقۋ جىلىندا تجكب ۇيىمىنا 29 747 ستۋدەنت قابىلداندى، ونىڭ ىشىندە مەملەكەتتىك ءبىلىم بەرۋ تاپسىرىسى شەڭبەرىندە 16 470 ستۋدەنت قابىلداندى. سونداي-اق، NEET ساناتى بويىنشا 161 ستۋدەنت تەگىن وقۋعا قابىلداندى.
كوللەدجگە بارۋ قورىتىندىسى بويىنشا مەگاپوليس اكىمى ەربولات دوسايەۆ قازىرگى ەڭبەك نارىعىنىڭ تالاپتارىنا سايكەس ارنايى ءبىلىم بەرۋ ساپاسىن ارتتىرۋ بويىنشا جۇمىستى كۇشەيتۋدى، سونداي-اق جاس ۇرپاقتى تەگىن تەحنيكالىق جانە كاسىپتىك ءبىلىم الۋعا بەلسەندى تارتۋدى تاپسىردى. سونىمەن قاتار، اكىمنىڭ تاپسىرماسى بويىنشا كوللەدج شەبەرلەرىنىڭ جالاقىسىن كوتەرۋ ماسەلەسى پىسىقتالاتىن بولادى.
«پرەزيدەنتتىڭ تاپسىرماسى بويىنشا ءبىز كاسىپتىك-تەحنيكالىق ءبىلىم بەرۋدى دامىتۋعا ەرەكشە نازار اۋدارامىز. ءبىزدىڭ ماماندار نارىقتا سۇرانىسقا يە بولۋى ءتيىس. وتە ماڭىزدى ماسەلە - تۇلەكتەردىڭ ءبىلىم ساپاسى. ءبىز WorldSkills بازالىق ستاندارتتارىن نەگىزگە الدىق، وندا كوللەدجدەر مەن ستۋدەنتتەر ەڭ جوعارى تالاپتارعا ساي بولۋى كەرەك. تەوريانى دا، پراكتيكالىق داعدىلاردى دا تەڭ وقىتۋ قاجەت. بۇل ءبىزدىڭ تۇلەكتەرىمىزگە ءوز بىلىمدەرىن شىنايى ومىردە قولدانۋعا مۇمكىندىك بەرەدى»، - دەدى ەربولات دوسايەۆ. مەگاپوليس باسشىسى قالا اكىمدىگىنىڭ تۇلەكتەردى جۇمىسپەن قامتۋعا باسا نازار اۋداراتىنىن، جاستار ساياساتىن دامىتۋ ارقىلى كوللەدجدەردى قولداۋ شارالارىن كەڭەيتۋگە دايىن ەكەنىن اتاپ ءوتتى.
ەسكە سالساق، مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا «تەگىن تەحنيكالىق جانە كاسىپتىك ءبىلىم بەرۋ" جوباسىن ىسكە اسىرۋدى جالعاستىرۋدىڭ ماڭىزىن ءوتىپ، سۇرانىسقا يە ماماندىقتار بويىنشا تەگىن تجكب-نى ءجۇز پايىز قامتۋدى قامتاماسىز ەتۋدى تاپسىرعان بولاتىن.
«الماتى قالاسىن دامىتۋدىڭ 2025 جىلعا دەيىنگى باعدارلاماسىن جانە 2030 جىلعا دەيىنگى ورتا مەرزىمدى پەرسپەكتيۆالاردى» ىسكە اسىرۋ جونىندەگى جول كارتاسىنا سايكەس قالادا 2025 جىلعا دەيىن تەحنيكالىق جانە تەحنولوگيالىق مەملەكەتتىك كوللەدجدەر بازاسىندا 18 قۇزىرەت ورتالىعىن اشۋ جوسپارلانۋدا.
انىقتاما: اعىمداعى جىلدىڭ قاراشا ايىندا بىرلەسكەن ساۋلەت-قالا قۇرىلىسى فورۋمى اياسىندا الماتى اكىمى ەربولات دوسايەۆ جاس ساۋلەتشىلەر قولداناتىن ستاندارتتى ەمەس شەشىمدەردى ەرەكشە اتاپ ءوتىپ، قالا اكىمدىگىنىڭ ولاردىڭ 20-ىن بەكىتۋ جونىندەگى جوسپارلار تۋرالى حابارلاعان بولاتىن.