ساياساتتانۋشى الماتىداعى كادرلىق وزگەرىستەر تۋرالى
«الماتىدا جۇمىس ىستەگەن 3 جىل ىشىندە ەربولات دوسايەۆ مىقتى ايماق باسشىسى ەكەنىن كورسەتتى» – ساياساتتانۋشى دانيار اشىمبايەۆ
ساياساتتانۋشى دانيار اشىمبايەۆ الماتى قالاسىنىڭ اكىمى ەربولات دوسايەۆتىڭ قىزمەتىنەن بوساتىلۋىنا قاتىستى پىكىر ءبىلدىردى.
«ەربولات دوسايەۆ – ەلىمىزدەگى ەڭ ءتيىمدى، تاجىريبەلى جانە جارقىن ساياساتكەر مەن باسقارۋشىنىڭ ءبىرى. ول ءتۇرلى ۇكىمەتتىك لاۋازىمدا ءوزىن جاقسى قىرىنان تانىتىپ، ال الماتىدا جۇمىس ىستەگەن ءۇش جىل ىشىندە مىقتى وڭىرلىك باسشى رەتىندەگى بەدەلىن دالەلدەدى. ەربولات دوسايەۆ – جوعارى دەڭگەيدەگى قىزمەتكە لايىق ساناۋلى تۇلعانىڭ ءبىرى. سوندىقتان ونىڭ بولاشاقتاعى تاعايىندالۋى مەن الماتىعا جاڭا اكىمنىڭ كەلۋى ەلدەگى كادرلىق ساياساتتىڭ وزىندىك ينديكاتورى بولماق»، – دەدى ساراپشى.
ەستەرىڭىزگە سالا كەتەيىك، 2025 جىلدىڭ 24 مامىرىندا ق ر پرەزيدەنتىنىڭ جارلىعىمەن ەربولات دوسايەۆ الماتى قالاسىنىڭ اكىمى قىزمەتىنەن بوساتىلدى.